మడతెయ్యడంలో మహేష్ తర్వాతే

మహేష్ బాబు కొత్త సినిమా స్పైడర్ టీజర్ యూట్యూబ్ లో రికార్డులు క్రియేట్ చేస్తోంది. విడుదలయిన 12 గంటల్లోనే 4 మిలియన్లకు పైగా వ్యూస్ తో సెన్సేషన్ క్రియేట్ చేసిన స్పైడర్ టీజర్ పై రకరకాల కామెంట్స్ వినిపిస్తున్నాయి. సైన్స్ ఫిక్షన్ అనే కాన్సెప్ట్ అర్ధమైపోతోంది కానీ.. మాస్ జనాలను మెప్పించే ఎలిమెంట్స్ ని మహేష్ మిస్ చేస్తున్నాడని అంటున్నారు.

టాలీవుడ్ హీరోలకు మాస్ ఆడియన్స్ ను మెప్పించడం తప్పనిసరి అనే సంగతి ఒప్పకోవాల్సిందే. అయితే.. మాస్ అంటే కేవలం ఫైట్స్.. సాంగ్స్ మాత్రమే అనే కల్చర్ ఇప్పుడు తగ్గిపోతోంది. అయినా మహేష్ సినిమాల్లో మాస్ ఎలిమెంట్స్ ఉండవు అనుకోవడం పిచ్చ భ్రమే. ఎందుకంటే.. ఎలాగూ ఇండియన్ సినిమాలో అర డజన్ పాటలు ఉంటాయి.. మురుగదాస్ మూవీ అంటే హీరోయిన్స్ గ్లామర్ ఉంటుంది.  వీటికితోడు మహేష్ నోటి నుంచి పేలే పంచ్ లు స్పెషల్ అట్రాక్షన్ అవుతాయ్. అయినా హాలీవుడ్ డబ్బింగ్ సినిమాలు కూడా సీక్లాస్ సెంటర్లలో ఫుల్లుగా వసూళ్లు సాధించే రోజుల్లో.. ఇంకా మాస్ జనాల కోసం స్పెషల్ గా ఇంకోటేదో చెయ్యాలని అనుకోవడం అంటే.. 'బీ' 'సీ' కాలంలో ఆగిపోయినట్లే.

కేవలం టీజర్ లో ఓ స్పైడర్ ను చూపించినంత మాత్రాన సినిమాలో మాస్ ఎలిమెంట్స్ ఉండకూడదని రూలేమీ ఉండదు. టాలీవుడ్ సూపర్ స్టార్ కు.. అటు మాస్ తో పాటు ఇటు క్లాస్ లోనూ తెగ ఫాలోయింగ్ ఉంటుంది. ఇక కుర్రాళ్లలో ప్రత్యేకించి అమ్మాయిల్లో మహేష్ కి ఉండే క్రేజ్ ని మాటల్లో చెప్పడం సాధ్యపడకపోవచ్చు. అయినా.. అన్ని వర్గాల ఆడియన్స్ ని మడతేసి తన ఫ్యాన్స్ గా చేసుకోవడంలో మహేష్ తర్వాతే ఎవరైనా.!

Like Us on Facebook : https://www.facebook.com/Tupakidotcom/