కుర్ర హీరోలకు మోహన్ బాబు క్లాస్

టాలీవుడ్‌ లో విల‌క్ష‌ణ న‌టుడిగా త‌న‌కంటూ ఓ ప్ర‌త్యేక గుర్తింపు తెచ్చుకున్న న‌టుడు - నిర్మాత మోహ‌న్ బాబు... క్ర‌మ‌శిక్ష‌ణ‌కు అధిక ప్రాధాన్యమిస్తార‌న్న విష‌యం తెలిసిందే. క్ర‌మశిక్ష‌ణ విష‌యంలో త‌న పిల్ల‌లైనా - ఇత‌రుల పిల్ల‌ల‌నైనా ఆయ‌న ఏమాత్రం లెక్క‌చేయ‌రు. ఏమాత్రం క‌ట్టుత‌ప్పినా ఆయ‌న చేతిలో చీవాట్లు త‌ప్ప‌వు. ఇందుకు నిద‌ర్శ‌నంగా గ‌తంలో జ‌రిగిన ఓ ఘ‌ట‌నను టాలీవుడ్ యంగ్ హీరో వ‌రుణ్ సందేశ్ తాజాగా వెల్ల‌డి చేశాడు. పాండ‌వులు పాండ‌వులు తుమ్మెద చిత్రంలో మోహ‌న్‌బాబుతో పాటు ఆయ‌న ఇద్ద‌రు కుమారులు మంచు విష్ణు - మంచు మ‌నోజ్‌ - వ‌రుణ్ సందేశ్‌ - త‌నీష్ త‌దిత‌రులంతా న‌టించిన సంగ‌తి తెలిసిందే. వెన్నెల కిశోర్ కూడా ఈ చిత్రంలో ఓ పాత్ర పోషించాడు. చిత్రం షూటింగ్‌ లో భాగంగా వీరంతా ఎలాంటి అర‌మ‌రిక‌లు లేకుండా చాలా క్లోజ్‌ గా, స్నేహంగా మెలిగే వార‌ట‌.

ఓ స‌మ‌యంలో  వ‌రుణ్ సందేశ్‌ - త‌నీష్‌ - వెన్నెల కిశోర్‌ లు గ‌దిలో వ‌రుస‌గా ప‌డుకుని ఉంటే... ఆ త‌ర్వాత ఆ గ‌దిలోకి ఎంట‌రైన మంచు మనోజ్ ఎగిరి వారిపై ప‌డ్డాడ‌ట‌. అదే స‌మ‌యంలో ఈ దృశ్యాన్ని మోహ‌న్ బాబు చూసేశార‌ట‌. వారంతా ఒక‌రిపై ఒక‌రు ప‌డిపోవ‌డం, ఒక‌రిపై ఒకరు ప‌డి న‌వ్వుకోవ‌డం మోహ‌న్ బాబుకు ఏమాత్రం న‌చ్చ‌లేద‌ట‌. అంతే.. నేరుగా ఆ గ‌ది వ‌ద్ద‌కు వెళ్లిన మోహన్ బాబు... వారంద‌రిని త‌న గ‌దికి రావాలంటూ చెప్పి వెళ్లిపోయార‌ట‌. అస‌లే క్ర‌మ‌శిక్ష‌ణ‌కు అత్యంత ప్రాధాన్య‌మిచ్చే మోహ‌న్ బాబు త‌మ‌ను గ‌దికి ర‌మ్మ‌నడంతో వారంతా గ‌జ‌గ‌జ‌లాడిపోయారు. ఎంత భ‌య‌ప‌డ్డా... మోహ‌న్ బాబు వ‌ద్ద‌కు వెళ్ల‌క త‌ప్ప‌ద‌న్న భావ‌న‌తో వారంతా చిన్న‌గా మోహ‌న్ బాబు వ‌ద్ద‌కు బ‌య‌లుదేరార‌ట‌. అంద‌రినీ ఓ వ‌రుస‌లో నిల‌బెట్టిన మోహ‌న్ బాబు వారికి ఓ రేంజిలో క్లాస్ పీకార‌ట‌. అస‌లు న‌టుడంటే ఎలా ఉండాలి? ఎంత డిగ్నిటీ మెయింటెన్ చెయ్యాలి? అంటూ ఆయ‌న కాస్తంత పెద్ద స్వ‌రంగా గ‌ద్దించే స‌రికి ఈ న‌లుగురు కుర్ర న‌టులు బేంబేలెత్తిపోయార‌ట‌. *అదేంటయ్యా.. అలా పడుకున్నారు. సినిమా నటుడంటే ఎలా ఉండాలి. డిగ్నిఫైడ్‌ గా ఉండాలయ్యా. ఇది మళ్లీ రిపీట్ అయ్యిందా.. ఈసారి వార్నింగ్ ఇవ్వను* అని వార్నింగ్ ఇచ్చిన మోహ‌న్‌ బాబు .. ఇక వెళ్లండంటూ చెప్ప‌డంతో వారంతా అక్కడి నుంచి బ‌తుకు జీవుడా అంటూ బ‌య‌ట‌ప‌డ్డార‌ట‌.

Like Us on Facebook : https://www.facebook.com/Tupakidotcom/