నారా రోహిత్‌.. నాగ‌శౌర్య మ‌ళ్లీ కొట్టుకుంటున్నారు

నెల కింద‌ట ‘జ్యో అచ్యుతానంద‌’లో నారా రోహిత్-నాగ‌శౌర్య‌ల బ్రొమాన్స్ భ‌లేగా పండింది. ఒక అమ్మాయి కోసం కొట్టుకునే అన్న‌ద‌మ్ములుగా రోహిత్.. శౌర్య భ‌లేగా న‌టించారు. మామూలుగా హీరో హీరోయిన్ల కెమిస్ట్రీ గురించే మాట్లాడుకుంటాం కానీ.. ఈ సినిమా విష‌యంలో మాత్రం హీరోల కెమిస్ట్రీ చ‌ర్చ‌నీయాంశ‌మైంది. సినిమాకు వీళ్ల కెమిస్ట్రీనే హైలైట్ గా నిలిచింది. ఇప్పుడు ఈ ఇద్ద‌రూ మ‌రోసారి క‌లిసి న‌టిస్తున్నారు.

రోహిత‌.. శౌర్య క‌లిసి న‌టిస్తున్న కొత్త సినిమా ‘క‌థ‌లో రాజ‌కుమారి’. ఐతే ఇందులో శౌర్య‌ది అతిథి పాత్ర మాత్ర‌మే. నారా రోహితే ఇందులో లీడ్ హీరో. అత‌ను ఈ చిత్రంలో అప్ క‌మింగ్ సినిమా న‌టుడిగా క‌నిపించ‌బోతున్నాడు. శౌర్య పాత్ర ఏంట‌న్న‌ది తెలియ‌దు కానీ.. వీళ్లిద్ద‌రి మ‌ధ్య ప్ర‌స్తుతం ఓ ఫైట్ సీన్ ను చిత్రీక‌రిస్తున్నాడు ద‌ర్శ‌కుడు మ‌హేష్ సూర‌ప‌నేని. మ‌రి రోహిత్-శౌర్య కొట్టుకుంటోంది రాజ‌కుమారి కోస‌మేనో కాదో సినిమా చూస్తే కానీ తెలియ‌దు.

ఈ చిత్రంలో మంచు ల‌క్ష్మి ఓ క్యామియో రోల్ చేస్తుండ‌టం విశేషం. ఆమె సినీ నిర్మాత పాత్ర‌లో క‌నిపిస్తుంద‌ట‌. ఇంకా ఆదా శర్మ‌తో పాటు మ‌రికొంద‌రు అతిథి పాత్ర‌ల్లో త‌ళుక్కుమంటార‌ట‌. కార్తికేయ సినిమాను నిర్మించిన శ్రీనివాస్ బొగ్గారం ఈ చిత్రాన్ని నిర్మిస్తున్నాడు. వ‌చ్చే ఏడాది ఫిబ్ర‌వ‌రిలో ఈ చిత్రం ప్రేక్ష‌కుల ముందుకొచ్చే అవ‌కాశ‌ముంది.