మారుతీకి నో చెప్పిన నందమూరి హీరో..!!

తెలుగు సినీ దర్శకుడు మారుతి తన తదుపరి సినిమాను ఇంకా అధికారికంగా ప్రకటించలేదు. ప్రతీరోజు పండగే సినిమాతో హిట్ కొట్టాడు. కానీ మారుతీతో సినిమా చేసేందుకు పెద్ద హీరోలు ఎవరు కూడా ఆసక్తి చూపడం లేదట. ఇప్పటికే మారుతీ లాక్డౌన్ సమయంలో.. హీరోలు రామ్, శర్వానంద్, రవితేజలను కలిసి స్టోరీ వినిపించినా వర్కౌట్ కాలేదు. మాస్ రాజా రవితేజకి మారుతితో సినిమా చేయాలనీ ఉన్నాడు. కానీ తన స్క్రిప్ట్ తో మారుతీ రవితేజను ఆకట్టుకోలేకపోయాడు. ఇక తాజా సమాచారం ప్రకారం.. టాలీవుడ్ లో మరో నటుడు మారుతితో కలిసి పనిచేయడానికి ఆసక్తిగా ఉన్నట్లు తెలుస్తుంది. అయితే హీరో కళ్యాణ్ రామ్ ని కలిసి స్క్రిప్ట్ నారేట్ చేసాడట. కళ్యాణ్ రామ్ కూడా ఓకే అన్నాడట. కానీ అసలు ట్విస్ట్ ఇక్కడే ఇచ్చాడు మారుతి. తను వినిపించిన స్క్రిప్ట్ కు తాను దర్శకత్వం చేయనని చెప్పాడట.

ఎందుకంటే.. డైరెక్టర్ మారుతీ కాస్త ప్రొడ్యూసర్ గా డబ్బులు వెనకేసుకోవాలని అనుకున్నాడేమో.. అందుకే ఇక నుండి దర్శకత్వం ఆపేసి తన నిర్మించబోయే సినిమాలకు స్క్రిప్ట్ అందిస్తానని అన్నాడట. అలాగే దర్శకుడు మారుతీకి ఆల్రెడీ ఒక టీమ్ తో సినిమాలు ప్రొడ్యూస్ చేసే ఆలోచనను కళ్యాణ్ రామ్ కి వినిపించాడు. అంతే.. ఇప్పటికే వరుస ప్లాప్ లలో ఉన్న కళ్యాణ్ రామ్ ఒక మంచి డైరెక్టర్ తో హిట్ పిక్చర్ తీయాలనీ అనుకుంటున్నాడు. ఇక్కడేమో మారుతీ స్క్రిప్ట్ ఇస్తా కానీ డైరెక్షన్ చేయను అనేసరికి నో చెప్పేసాడట కళ్యాణ్. అందుకే మారుతీ కళ్యాణ్ రామ్ ల కలయికలో మూవీ ఉండే అవకాశం కనిపించడం లేదు. ప్రస్తుతం హీరో కళ్యాణ్ రామ్ కి హిట్ ఖచ్చితంగా కొట్టాల్సిన అవసరం ఉంది. అందుకోసమే కరెక్ట్ డైరెక్టర్ కోసం ఎదురు చూస్తున్నాడు. ఇదిలా ఉండగా మారుతి ఇటీవల గోపీచంద్ తో పక్కా కమర్షియల్ ఓకే అన్నట్లు వార్తలొచ్చాయి. మరి దాని పై కూడా అధికారిక ప్రకటన రావాల్సి ఉంది.