అనంతపురం జిల్లాలో ఓ సినిమా చేయాలనుందని అంటున్నాడు యువ కథానాయకుడు నారా రోహిత్. ఆదివారం అనంతపురంలో నారా పవర్ ఆఫ్ యూత్ సంస్థ ఆధ్వర్యంలో చేపట్టిన కొన్ని సేవా కార్యక్రమాల్లో నారా రోహిత్ పాల్గొన్నాడు. ఈ సందర్భంగా రోహిత్ మాట్లాడుతూ.. అనంతపురంలో ఇంతటి సేవా భావం కలిగిన అభిమానులుండడం ఆనందంగా ఉందని.. ఇక్కడో సినిమా చేయాలని తనకు కోరికగా ఉందని అన్నాడు. బాలయ్య సినిమాలతో పాటు తన చిత్రాలను ఆదరిస్తున్న నందమూరి అభిమానుల రుణం తీర్చుకోలేనిదని.. అభిమానులు చేపడుతున్న సేవా కార్యక్రమాలను కొనసాగించాలని.. వారికి తన ప్రోత్సాహం ఎప్పుడూ ఉంటుందని రోహిత్ అన్నాడు.
అనంతరం మున్సిపల్ అతిథి గృహంలో అభిమానులతో సమావేశమై సినిమాలు.. రాజకీయాలపై రోహిత్ చర్చించాడు. నారాయణ సేవ పేరిట నిత్యం అన్నదానం చేస్తున్న విజయ్‌ సాయికుమార్ సేవలను రోహిత్ కొనియాడాడు. లలితకళాపరిషత్తులో జరిగిన వైద్య శిబిరంలో దాదాపు 500 మందికి ఉచిత వైద్య సేవలందించగా.. రోహిత్ అభిమాన సంఘం సభ్యులు రక్తదానం చేశారు. అనంతరం ప్రభుత్వ ఆసుపత్రిలో సాయి సంస్థ ఆధ్వర్యంలో జరిగిన అన్నదానం.. పేద విద్యార్థులకు పుస్తకాల పంపిణీ కార్యక్రమంలోనూ రోహిత్ పాల్గొన్నాడు. ఈ కార్యక్రమాల్లో ధనుంజయనాయుడు.. ఎన్‌ బీకే హెల్పింగ్ హ్యాండ్స్ అధినేత జగన్.. మారుతీప్రసాద్ తదితరులతో పాటు నారా రోహిత్ అభిమానులు పెద్ద సంఖ్యలో పాల్గొన్నారు.
అనంతరం మున్సిపల్ అతిథి గృహంలో అభిమానులతో సమావేశమై సినిమాలు.. రాజకీయాలపై రోహిత్ చర్చించాడు. నారాయణ సేవ పేరిట నిత్యం అన్నదానం చేస్తున్న విజయ్‌ సాయికుమార్ సేవలను రోహిత్ కొనియాడాడు. లలితకళాపరిషత్తులో జరిగిన వైద్య శిబిరంలో దాదాపు 500 మందికి ఉచిత వైద్య సేవలందించగా.. రోహిత్ అభిమాన సంఘం సభ్యులు రక్తదానం చేశారు. అనంతరం ప్రభుత్వ ఆసుపత్రిలో సాయి సంస్థ ఆధ్వర్యంలో జరిగిన అన్నదానం.. పేద విద్యార్థులకు పుస్తకాల పంపిణీ కార్యక్రమంలోనూ రోహిత్ పాల్గొన్నాడు. ఈ కార్యక్రమాల్లో ధనుంజయనాయుడు.. ఎన్‌ బీకే హెల్పింగ్ హ్యాండ్స్ అధినేత జగన్.. మారుతీప్రసాద్ తదితరులతో పాటు నారా రోహిత్ అభిమానులు పెద్ద సంఖ్యలో పాల్గొన్నారు.