నారా రోహిత్‌.. దిమ్మ‌దిరిగే షాకిచ్చాడు

మొన్న ఆహ్లాద‌క‌ర‌మైన టైటిల్ లోగోతో ప్రి లుక్ పోస్ట‌ర్ చూస్తేనే జ‌నాలు ఆశ్చ‌ర్య‌పోయారు. ఇప్పుడు ఫ‌స్ట్ లుక్ పోస్ట‌ర్ తో పెద్ద షాకే ఇచ్చాడు నారా రోహిత్. ప్రేమికుల దినోత్స‌వ కానుక‌గా రిలీజ్ చేసిన ‘క‌థ‌లో రాజ‌కుమారి’ ఫ‌స్ట్ లుక్ పోస్ట‌ర్ చూసి జ‌నాల‌కు దిమ్మ‌దిరిగిపోతోంది. ఇప్ప‌టిదాకా ఎన్న‌డూ క‌నిపించ‌ని అవ‌తారంలో నారా రోహిత్ పెద్ద స‌ర్ప్రైజే ఇచ్చాడు.

రోహిత్ ఇలాంటి అవ‌తారంలోకి మార‌తాడ‌ని అస‌లెవ్వ‌రూ ఊహించి ఉండ‌రు. సాధార‌ణంగా త‌మిళ హీరోలు మాత్ర‌మే ఇలా క‌నిపిస్తుంటారు. గ‌డ్డం బాగా పెంచి.. లుంగీ క‌ట్టేసి.. చేత క‌త్తి ప‌ట్టుకుని ఊర మాస్ గా క‌నిపిస్తున్నాడు రోహిత్ ఈ మ‌ధ్య కాలంలో ఇంత‌టి సంచ‌ల‌న ఫ‌స్ట్ లుక్ మ‌రొక‌టి లేదంటే అతిశ‌యోక్తి లేదు. ‘క‌థ‌లో రాజ‌కుమారి’ అనే టైటిల్ చూసి సినిమా సాఫ్ట్ గా ఉంటుంద‌నుకుంటే.. బొమ్మ ఊర మాస్ లాగా ఉండేలా ఉంది.

మ‌హేష్ సూర‌ప‌నేని ద‌ర్శ‌క‌త్వం వ‌హిస్తున్న ఈ చిత్రానికి నారా రోహిత్ స‌మ‌ర్ప‌కుడిగా వ్య‌వ‌హ‌రిస్తున్నాడు. ఆర‌న్ మీడియా వ‌ర్క్స్ బేన‌ర్ మీద ‘అప్ప‌ట్లో ఒక‌డుండేవాడు’ చిత్రాన్ని నిర్మించిన కృష్ణ విజ‌య్.. ప్ర‌శాంతిల‌తో పాటు సౌంద‌ర్య ఈ చిత్రాన్ని నిర్మిస్తున్నారు. ఈ చిత్రంలో నాగ‌శౌర్య‌.. మంచు ల‌క్ష్మి క్యామియో రోల్స్ చేస్తున్న‌ట్లు స‌మాచారం.

Like Us on Facebook : https://www.facebook.com/Tupakidotcom/