మరోసారి బాణం వదిలేందుకు రెడీ!!

నారా రోహిత్ కు టాలీవుడ్ లో ప్రత్యేకమైన ఇమేజ్ ఉంది. ఇతను ఎంచుకునే సినిమాలు.. వాటి కాన్సెప్ట్ లు.. రోహిత్ మాడ్యులేషన్ కు స్పెషల్ క్రేజ్ ఉంది. అయితే.. గత కొన్ని సినిమాలు నారా వారబ్బాయి నిరుత్సాహపరుస్తున్నాడు. గతేడాది తుంటరి.. సావిత్రి.. రాజా చెయ్యి వేస్తే లాంటి సినిమాలతో డిజప్పాయింట్ చేశాడు.

జ్యో అచ్యుతానంద హిట్ సాధించినా.. ఆ క్రెడిట్ ఎక్కువగా శ్రీనివాస్ అవసరాల ఖాతాలోకి వెళ్లిపోయింది. గతేడాది చివర్లో వచ్చిన అప్పట్లో ఒకడుండేవాడు చిత్రంతో మాత్రం విమర్శకుల మెప్పు సాధించగలిగాడు నారా రోహిత్. ప్రస్తుతం పండుగలా వచ్చాడు.. కథలో రాజకుమారి మూవీస్ ని ఫినిష్ చేసే పనిలో పడ్డాడు ఈ హీరో. మరోవైపు ఆరన్ మీడియా వర్క్స్ బ్యానర్ పై మంచి సినిమాలు తీస్తూ అలరిస్తున్నాడు. ఇప్పుడు చైతు దంతులూరి దర్శకత్వంలో ఓ సినిమా చేసేందుకు అంగీకరించాడు నారా రోహిత్. గతంలో వీరిద్దరి కాంబినేషన్ లో వచ్చిన చిత్రం బాణం.

కమర్షియల్ సక్సెస్ సంగతి పక్కన పెడితే.. ఈ కుర్రాడి కెరీర్ బెస్ట్ మూవీస్ లో ఒకటిగా నిలిచిపోయి.. అందరి మన్ననలు అందుకుంది. ఇప్పుడు మరోసారి బాణం కాంబినేషన్ ని రిపీట్ చేసేందుకు నారా రోహిత్ సిద్ధం కాగా.. త్వరలో దీనికి సంబంధించిన అఫీషియల్ అనౌన్స్ మెంట్ రానన్నట్లు తెలుస్తోంది.

Like Us on Facebook : https://www.facebook.com/Tupakidotcom/