చెన్నై ఇంట.. దర్శకుడితో జంటగా హీరోయిన్

సౌత్ బ్యూటీ నయన తార.. దర్శకుడు విఘ్నేష్ తో పీకల్లోతు ప్రేమలో ఉంది అన్నది పాత విషయమే. వీరిద్దరి ప్రేమ ముదిరి పాకాన పడిందన్నది ఒక న్యూస్ అయితే.. ఇప్పటికే పెళ్లి చేసేసుకున్నారనే టాక్ కూడా ఉంది. కొన్నేళ్ల పాటు ఈ విషయాన్ని బైటకు చెప్పకుండా ఉండాలనే అగ్రిమెంట్ కూడా ఉందిట. పెళ్లి సంగతి అలా ఉంటే.. ఇప్పుడు వీరిద్దరూ కలిసి కాపురం పెట్టేశారని తెలుస్తోంది.

చెన్నైలోని ఎగ్మూర్ ప్రాంతంలో రీసెంట్ గా నయనతార ఒక ఫ్లాట్ కొనుగోలు చేసింది. కోట్లలోనే రేట్ పలికే ఆ ఫ్లాట్ లోకి రీసెంట్ గా మారిపోయింది ఈ మలయాళీ కుట్టి. అయితే.. ఈ కొత్తింటిలో నయన్ ఒక్కతే ఉండడం లేదని.. విఘ్నేష్ శివన్ తో కలిసి జంటగా నివసిస్తోందని కోలీవుడ్ జనాలు చెప్పుకుంటున్నారు. ఈ ఏడాది మే నెలలోనే పెళ్లి చేసేసుకున్న ఈ జంట.. ఇప్పుడు కాపురం పెట్టేశారన్నది ఈ రూమర్స్ సారాంశం.

నానుం రౌడీదాన్ మూవీ సమయంలో పుట్టిన ప్రేమ.. ఇప్పుడు కాపురం వరకూ వచ్చేసిందన్నది కోలీవుడ్ లో వినిపిస్తున్న మాట. నయన్ తో తన రిలేషన్ బాగా పర్సనల్ తప్ప.. బయటకు చెప్పేది కాదని విఘ్నేష్ శివన్ చెప్పినప్పటి నుంచి ఈ వ్యవహారం బాగా హాట్ టాపిక్ గా నడుస్తోందిలే.

Like Us on Facebook : https://www.facebook.com/Tupakidotcom/