మెగా డాటర్ మూవీకి పోస్టర్ పడింది

మెగా బ్రదర్ నాగబాబు కుమార్తె నీహారికకు.. సినిమాల్లో హీరోయిన్ గా మెరవాలనే కోరిక ఎప్పటి నుంచో ఉంది. ఇంట్లో గ్రీన్ సిగ్నల్ రాక ముందు టీవీషోలతో తన ప్రస్థానం ప్రారంభించి ప్రూవ్ చేసుకుంది. ఆ తర్వాత మెగాస్టార్ తో సహా ఇంట్లో అందరినీ ఒప్పించి, సినిమా స్టార్ట్ చేసేసింది. ఓవైపు వెబ్ సిరీస్ ద్వారా ఇప్పటికే నెట్ ప్రేక్షకులకు పరిచయం అయినా.. సినిమా హీరోయిన్ అన్నాక ఆ లుక్ - క్రేజ్ - హైప్ అన్నీ వేరేగానే ఉంటాయి.

రామరాజు దర్శకత్వంలో 'ఒక మనసు' చేసేందుకు ఒప్పించి.. చివరకు ఆ సినిమాను కంప్లీట్ చేసేస్తోంది. ఓ ప్రముఖ న్యూస్ ఛానల్ తో కలిసి మధుర శ్రీధరన్ నిర్మిస్తున్న ఈ సినిమాలో హీరో నాగశౌర్య. మిగతా అందరి కంటే.. ఈ మూవీకి మెయిన్ సెల్లింగ్ పాయింట్ నీహారిక అరంగేట్రమే. ఇప్పుడా సినిమాకి ప్రీ లుక్ పోస్టర్ వేశారు. ఫస్ట్ లుక్ ఇచ్చే ముందు మొహాలు కనిపించకుండా.. ఇచ్చే లుక్ అన్నమాట ఇది. పైన నీలి ఆకాశం - కింద ఓ కొండపైకి పరిగెడుతున్న ప్రేమికుల జంట... ముందు హీరోయిన్ - ఆమె వెనక హీరో  పరుగెడుతున్న దృశ్యం. వర్ణించడానికే ఇంత అందంగా ఉంటే.. చూడ్డానికి ఆ పోస్టర్ ఇంకా అందంగా ఉందని చెప్పాలి.

డైరెక్టర్ లోని భావుకత పోస్టర్ లో కనిపించేలా డిజైన్ చేసారు. మొత్తానికి మెగాడాటర్ నీహారిక కల నెరవేరేందుకు టైం దగ్గరకొస్తోంది. ఇక ఫస్ట్ లుక్ - టీజర్ - ఆడియో - ట్రైలర్ రిలీజ్ లు పెండింగ్ ఉన్నాయి. వీటన్నిటినీ కంప్లీట్ చేసేసి, ఏప్రిల్ లో ఒక మనసు విడుదల చేసేందుకు సిద్ధమవుతున్నారు నిర్మాతలు.