నిఖిల్ తెరపైనే కాదు .. తెర వెనుక కూడా చాలా యాక్టివ్ గా ఉంటాడు. యువ కథానాయకులు గట్టిపోటీ ఇస్తున్నప్పటికీ, నిఖిల్ కొత్త రూట్లో వెడుతూ తన ప్రత్యేకతను నిలబెట్టుకుంటూ వస్తున్నాడు. నిఖిల్ సినిమాలు డిఫరెంట్ గా ఉంటాయనే నమ్మకాన్ని ఫ్యాన్స్ కి కలిగించాడు. కరోనాకి ముందు 'అర్జున్ సురవరం'తో కుర్రాడు మంచి హిట్ కొట్టాడు. ఆ తరువాత '18 పేజీస్' .. 'కార్తికేయ 2' సినిమాలు చేస్తున్నట్టుగా చెప్పాడు. లాక్ డౌన్ కారణంగా ఈ రెండు ప్రాజెక్టులు ఆలస్యమయ్యాయి.
'గీతా ఆర్ట్స్ 2' బ్యానర్ పై '18 పేజీస్' రూపొందుతోంది. బన్నీవాసు నిర్మిస్తున్న ఈ సినిమాకి పల్నాటి సూర్యప్రతాప్ దర్శకుడిగా వ్యవహరిస్తున్నాడు. ఈ సినిమాలో నిఖిల్ జోడీగా అనుపమ పరమేశ్వరన్ కనిపించనుంది. విభిన్నమైన కథాకథనాలతో ఈ కథ నడుస్తుందని చెప్పారు. ఇక 'కార్తికేయ' సినిమాతో హిట్ కొట్టిన చందూ మొండేటి ఆ సినిమాకి సీక్వెల్ గా 'కార్తికేయ 2'ను పట్టాలెక్కించాడు. లాక్ డౌన్ కారణంగా ఆ సినిమా కూడా పట్టాలు తప్పేసి పక్కకి వెళ్లిపోయింది. ఈ సినిమాలో హీరోయిన్ ఎవరనేది అప్పుడే కాదు .. ఇంతవరకూ చెప్పలేదు.
అయితే లాక్ డౌన్ ఎత్తేసిన తరువాత ఇలా ఆగిపోయిన ప్రాజెక్టులు ఒక్కొక్కటిగా తిరిగి పట్టాలెక్కుతున్నాయి. కానీ '18 పేజీస్' గురించిన అప్డేట్ తెలియడం లేదు. '18 పేజీస్'లో నిఖిల్ ఎన్ని పేజీలు పూర్తి చేశాడా అనే ఆసక్తితో అభిమానులు ఉన్నారు. ఇక 'కార్తికేయ 2' గురించిన కబురు చెప్పేవారు కూడా కనిపించడం లేదు. గతంలో వదిలిన కాన్సెప్ట్ వీడియోనే నిఖిల్ మళ్లీ పోస్ట్ చేసి సైలెంట్ అయ్యాడు. ఈ రెండు సినిమాల గురించిన విషయాలు .. విశేషాలు తెలియక ఫ్యాన్స్ కొంచెం అసహనానికి లోనవుతున్నారు. ఆ సినిమా ఎంతవరకూ వచ్చిందీ .. ఈ సినిమా ఎంతవరకూ వెళ్లింది అనేది నువ్వైనా ఓమాట చెప్పాలబ్బా" అంటూ నిఖిల్ నే అడుగుతున్నారు.
'గీతా ఆర్ట్స్ 2' బ్యానర్ పై '18 పేజీస్' రూపొందుతోంది. బన్నీవాసు నిర్మిస్తున్న ఈ సినిమాకి పల్నాటి సూర్యప్రతాప్ దర్శకుడిగా వ్యవహరిస్తున్నాడు. ఈ సినిమాలో నిఖిల్ జోడీగా అనుపమ పరమేశ్వరన్ కనిపించనుంది. విభిన్నమైన కథాకథనాలతో ఈ కథ నడుస్తుందని చెప్పారు. ఇక 'కార్తికేయ' సినిమాతో హిట్ కొట్టిన చందూ మొండేటి ఆ సినిమాకి సీక్వెల్ గా 'కార్తికేయ 2'ను పట్టాలెక్కించాడు. లాక్ డౌన్ కారణంగా ఆ సినిమా కూడా పట్టాలు తప్పేసి పక్కకి వెళ్లిపోయింది. ఈ సినిమాలో హీరోయిన్ ఎవరనేది అప్పుడే కాదు .. ఇంతవరకూ చెప్పలేదు.
అయితే లాక్ డౌన్ ఎత్తేసిన తరువాత ఇలా ఆగిపోయిన ప్రాజెక్టులు ఒక్కొక్కటిగా తిరిగి పట్టాలెక్కుతున్నాయి. కానీ '18 పేజీస్' గురించిన అప్డేట్ తెలియడం లేదు. '18 పేజీస్'లో నిఖిల్ ఎన్ని పేజీలు పూర్తి చేశాడా అనే ఆసక్తితో అభిమానులు ఉన్నారు. ఇక 'కార్తికేయ 2' గురించిన కబురు చెప్పేవారు కూడా కనిపించడం లేదు. గతంలో వదిలిన కాన్సెప్ట్ వీడియోనే నిఖిల్ మళ్లీ పోస్ట్ చేసి సైలెంట్ అయ్యాడు. ఈ రెండు సినిమాల గురించిన విషయాలు .. విశేషాలు తెలియక ఫ్యాన్స్ కొంచెం అసహనానికి లోనవుతున్నారు. ఆ సినిమా ఎంతవరకూ వచ్చిందీ .. ఈ సినిమా ఎంతవరకూ వెళ్లింది అనేది నువ్వైనా ఓమాట చెప్పాలబ్బా" అంటూ నిఖిల్ నే అడుగుతున్నారు.