నితిన్ హ్యాట్రిక్ మూవీ రంగ్ దే

ఏడాది గ్యాపా అని మొన్న దాకా అభిమానులు నిట్టూర్చారు కానీ నితిన్ ఇకపై తానెంత దూకుడుగా ఉండబోతోంది మాటల్లో కాదు చేతల్లో చూపించేస్తున్నాడు. ఇటీవలే వెంకీ కుడుములు దర్శకత్వంలో భీష్మ షూటింగ్ మొదలుపెట్టేసిన నితిన్ నిన్న చంద్రశేఖర్ యేలేటి ప్రాజెక్ట్ కూడా స్టార్ట్ చేశాడు. సరే రెండు లైన్ లో ఉన్నాయి కదా ఫ్యాన్స్ సంబరపడేలోపు అది సరిపోదు అనేలా మూడోది కూడా అనౌన్స్ చేశాడు.

అదే రంగ్ దే. వరుణ్ తేజ్ తొలిప్రేమతో డెబ్యూతోనే బ్లాక్ బస్టర్ అందుకున్న వెంకీ అట్లూరి దీనికి దర్శకుడు. రెండో మూవీ మిస్టర్ మజ్ను ఆశించిన ఫలితాన్ని అందుకోలేకపోయినా లవ్ ఎమోషన్స్ ని బాగా ప్రెజెంట్ చేయడంతో తన ప్రత్యేకతను నిలుపుకున్నాడు. ఇప్పుడీ రంగ్ దేతో మూడో సినిమాని నితిన్ తో చేయబోతున్నాడు. ఇంకో అసలు విశేషం హీరోయిన్ గా కీర్తి సురేష్ చేయనుండటం. మహానటి తర్వాత తెలుగు స్ట్రెయిట్ మూవీస్ ని చేయడం తగ్గించేసిన కీర్తి సురేష్ ఇప్పుడీ యూత్ హీరోతో జట్టు కట్టడం హ్యాపీ  న్యూసే.

ఈ ఏడాది జెర్సీతో సూపర్ హిట్ అందుకున్న సితార సంస్థ దీనికి నిర్మాత. సుప్రసిద్ధ ఛాయాగ్రాహకులు పిసి శ్రీరామ్ దీనికి పనిచేయనుండటం మరో ఆకర్షణగా మారనుంది. సంగీత దర్శకుడి పేరు ఇందులో ప్రస్తావించలేదు కాబట్టి ఇంకా ఫైనల్ చేయలేదులా ఉంది. మిగిలిన తారాగణం టెక్నికల్ టీమ్ డీటెయిల్స్ త్వరలోనే ప్రకటించబోతున్నారు. రంగ్ దే అంటూ క్యాప్షన్ గా గిమ్మి సం లవ్ అనడం చూస్తుంటే ఇదో కూల్ లవ్ స్టోరీ అని ముందుగానే హింట్ ఇస్తున్నట్టు ఉంది కదూ