మొన్నటివరకు నాగ చైతన్యతో పక్కాగా సినిమా పడిపోతోంది అంటూ సెలవిచ్చారు. ఇప్పుడేమో అబ్బే లేదు నితిన్‌ బాబుతోనే చేస్తున్నాడు అంటున్నారు. ఒక్కో మీడియాలో ఒక్కో రూమర్‌ నిజం అన్నట్లు వార్తలు రాస్తుండటంతో ఇప్పుడు ప్రేక్షకులకు కన్ఫ్యూజన్‌ వచ్చేస్తోంది. ఇంతకీ త్రివిక్రమ్‌ తన తదుపరి సినిమా ఎవరితో చేస్తున్నాడు?
మ్యాటర్‌ ఏంటంటే.. అసలు పవన్‌, మహేష్‌, ఎన్టీఆర్‌ వంటి టాప్‌ స్టార్లతో త్రివిక్రమ్‌ శ్రీనివాస్‌ సినిమా చేయాల్సి ఉంది. కాని వాళ్లందరూ డేట్స్‌ వేరే దర్శకులకు ఇచ్చేయడంతో మనోడు ఇలా నెక్ట్స్‌ లెవెల్‌ హీరోలతో వర్కవుట్‌ చేస్తున్నాడు. అయితే నితిన్‌ తో ప్రాజెక్టు మాత్రం పక్కా అంటూ ఒక మీడియాలో న్యూస్‌ వచ్చేసింది. పైగా సదరు మీడియా నితిన్‌ తండ్రి సుధాకర్‌ రెడ్డికి బాగా క్లోజ్‌ కాబట్టి ఖచ్చితంగా ఈ విషయం నమ్మే తీరాలేమో. ఇంతకీ త్రివిక్రమ్‌ స్వయంగా తన తదుపరి ప్రాజెక్టు గురించి మాత్రం మాట్లాడట్లేదు. అసలే సోషల్‌ నెట్‌ వర్క్‌ సైట్లలో మనోడు యాక్టివ్‌ గా ఉండడు కాబట్టి, ఈ విషయంపై పెద్దగా క్లారిటీ లేదిప్పుడు.
ఇకపోతే ఎన్టీఆర్‌ కూడా త్రివిక్రమ్‌ కు హ్యాండిచ్చేసి కొరటాల శివ సినిమా చేస్తాడా లేదా అనే విషయం ఒకటి ఇప్పుడు చర్చల్లో ఉంది. ఆగస్టు 7న రిలీజయ్యే శ్రీమంతుడు హిట్టయితే ఎన్టీఆర్‌ తదుపరి సినిమా శివతోనే.. లేకపోతే త్రివిక్రమ్‌ తో చేసే ఛాన్సుంది అంటూ ఫిలిం నగర్‌ టాక్‌. లెటజ్‌ సీ.