మ‌నోహ‌రి హ్యాండ్ బ్యాగ్ ఖ‌రీదు 4 ల‌క్ష‌లు

బాలీవుడ్ హాట్ గాళ్స్ లో ఖ‌రీదైన బ్రాండెడ్ హ్యాండ్ బ్యాగుల్ని ధ‌రించే అల‌వాటు గురించి ప్ర‌త్యేకించి ప్ర‌స్థావించ‌న‌వ‌స‌రం లేదు. సోన‌మ్ క‌పూర్ - జాన్వీ క‌పూర్ - క‌రీనా - క‌త్రిన - మ‌లైకా స‌హా ప‌లువురు అందాల భామ‌లు బ్రాండెడ్ హ్యాండ్ బ్యాగుల కోసం ల‌క్ష‌లాది రూపాయ‌ల‌ను వెచ్చించ‌డం చూస్తున్న‌దే. 2ల‌క్ష‌ల నుంచి 30 ల‌క్ష‌ల వ‌ర‌కూ కేవ‌లం హ్యాండ్ బ్యాగ్ కోస‌మే వెచ్చించే ఫ్యాష‌నిస్టాలు ప‌రిశ్ర‌మ‌లో ఉన్నారు.

ఇక బాహుబ‌లి మ‌నోహ‌రి నోరా ఫ‌తేహి ఇలాంటి విష‌యాల్లో అస్స‌లు త‌గ్గ‌దు. ఇండ‌స్ట్రీలో ఫ్యాష‌నిస్టాగా ఓ వెలుగు వెలుగుతున్న నోరా త‌న రేంజుకు త‌గ్గ హ్యాండ్ బ్యాగుల్ని ధ‌రిస్తుంటుంది. తాజాగా నోరా ఫతేహి  నియాన్ పసుపు బాడీకాన్ దుస్తులు ధ‌రించి చేతిలో 3 లక్షల ఖ‌రీదైన హ్యాండ్ బ్యాగ్ తో ప్ర‌త్య‌క్ష‌మైంది. బాడీకాన్ మిడి దుస్తులలో నోరా ఫతేహి లుక్ అదిరిపోయింది.

క్షమించండి హ‌నీ.. నా లేన్ లో ఎవరూ లేరు! అనే శీర్షికతో ఈ పోస్ట్ ను నోరా పంచుకున్నారు. ఈ ఫోటోను హసన్ హజ్జ్ క్లిక్ మ‌నిపించారు.నోరా ఫిగర్-హగ్గింగ్ సిల్హౌట్ ఒంపుసొంపుల్ని అందంగా చూపించింది. చ‌దునైన నెక్ లైన్ రిబ్బెడ్ ఆకృతి సమ్మర్ పార్టీ రూపాన్ని పరిపూర్ణంగా చేసింది. చానెల్ మినీ ఫ్లాప్ బ్యాగ్ విలువ రూ. 363152 .

నోరా ప్ర‌స్తుతం వార్ డ్రామా `భుజ్: ది ప్రైడ్ ఆఫ్ ఇండియా`లో నటిస్తోంది. ఇందులో అజయ్ దేవ్ గన్.. సంజయ్ దత్ .. సోనాక్షి సిన్హా త‌దిత‌రులు నటిస్తున్నారు. ఈ చిత్రం డిస్నీ + హాట్ స్టార్ లో డైరెక్ట్-టు-డిజిటల్ విడుదలకు సిద్ధంగా ఉంది.