ప‌ర్ఫెక్ట్ డాన్సింగ్ డాళ్ అంటే నోరా నో డౌట్

న‌రాలు మీటే విన్యాసాల‌తో అద‌ర‌గొట్టే డ్యాన్స్ లు చేయాలంటే నోరా ఫ‌తేహి త‌ర్వాతే. వెస్ట్ర‌న్ స్టైల్ లో పోల్ డ్యాన్స్ ర్యాప్ డాన్స్ పాప్ డ్యాన్స్ ఇండియ‌న్ స్టైల్ డ్యాన్సులు ఏవైనా అద‌ర‌గొట్టేస్తుంది. ఇంత‌కుముందు బాహుబ‌లి మ‌నోహ‌రి పాట‌లో ఈ మొరాకో బ్యూటీ స్పెష‌ల్ న‌ర్త‌న‌ల్ని యూత్ అంత తేలిగ్గా మ‌ర్చిపోలేదు.

నోరా త‌న‌దైన అందం డ్యాన్సుల‌తో ఇప్ప‌టికీ కుర్ర‌కారు హృద‌య‌సామ్రాజ్ఞిలా ఏల్తోంది. బాలీవుడ్ టాలీవుడ్ లో చాలా మంది ఐటెమ్ భామ‌లు ప‌రిచ‌య‌మైనా నోరా ఫ‌తేహి అంత లాంగ్ స్టాండింగ్ వేరొక‌రికి సాధ్య‌ప‌డ‌లేదు. ఇక ప్ర‌తిభ‌తో పాటు మీడియా గ్లేర్ విష‌యంలోనూ నోరా ఇత‌ర భామ‌ల‌తో పోలిస్తే య‌మ స్పీడ్ అనే చెప్పాలి.

ఇన్ స్టా స‌హా సోష‌ల్ మీడియా మాధ్య‌మాల్లో నిరంత‌రం వేడి పెంచుతూనే ఉంటుంది. నోరా తాజా ఫోటోషూట్ అంతే స్ట్రైకింగ్ గా యూత్ లోకి దూసుకెళుతోంది. నోరా బ్లాక్ టీష‌ర్ట్ ధ‌రించి కాంబినేష‌న్ గా బ్రింజాల్ బాట‌మ్ తో ఎంతో స్టైలిష్ గా క‌నిపిస్తోంది. ముంబై న‌గ‌రంలోని ఒక‌ కెఫే నుంచి ప‌ని ముగించి కార్ వైపు వెళుతూ ఇలా ఫోజులివ్వ‌గా కెమెరా క‌ళ్లు వెంట‌నే క్యాచ్ చేసేశాయి. ఈ లుక్ చూశాక‌.. ప‌ర్ఫెక్ట్ డాన్సింగ్ డాళ్ అంటే నోరా నో డౌట్ అంటూ అభిమానులు నోరాని పొగిడేస్తున్నారు. ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారాయి.

నోరా ప్ర‌ఖ్యాత హాలీవుడ్ న‌టి కిమ్ క‌ర్ధాషియ‌న్ లుక్ ని డిజైన‌ర్ డ్రెస్ ని కాపీ కొట్టిందంటూ సోష‌ల్ మీడియాల్లో ఈ ఫోటోపై కామెంట్లు వినిపిస్తున్నాయి. బాలీవుడ్ లో ప‌లు క్రేజీ చిత్రాల్లో స్పెష‌ల్ నంబ‌ర్ల‌కు అవ‌కాశాలున్నాయి. టీవీ రియాలిటీ షోలు స‌హా వాణిజ్య ప్ర‌క‌ట‌న‌ల‌తోనూ నోరా బాగానే ఆర్జిస్తోంద‌ని స‌మాచారం.