కొర‌టాల డేట్ కూడా ఫిక్స్ చేశాడు!

మ‌న ద‌ర్శ‌కుల్లో మార్పు కొట్టొచ్చిన‌ట్టు క‌నిపిస్తోంది. బాలీవుడ్ త‌ర‌హాలో అనుకొన్న స‌మ‌యానికి సినిమాని తీసుకొచ్చేందుకు ప్ర‌య‌త్నిస్తున్నారు.  ఇదివ‌ర‌క‌టిలా ఎన్ని రోజులు ప‌డితే అన్ని రోజులు సినిమాలు తీయ‌డం లేదు. దాదాపు అగ్ర ద‌ర్శ‌కులంతా ప‌క్కా ప్ర‌ణాళిక‌తో  అడుగులేస్తున్నారు. టాలీవుడ్‌ లో  పూరి జ‌గ‌న్నాథ్ ఒక్క‌రే   కొబ్బ‌రికాయ కొట్టిన‌ రోజునే విడుద‌ల తేదీని ప్ర‌క‌టించేవాడు.  ఇక మిగిలిన ద‌ర్శ‌కుల సినిమాలు ఎప్పుడొస్తాయో ఎవ్వ‌రికీ అర్థం కాని పరిస్థితి. కానీ యేడాది రెండేళ్లుగా ఆ ప‌రిస్థితిలో మార్పొచ్చింది. తొంద‌ర‌గా  సినిమాని ముగించాల‌న్న ఆలోచ‌న‌లో క‌నిపిస్తున్నారు ద‌ర్శ‌కులు. మొన్న‌టికి మొన్న శ్రీనువైట్ల‌ - క్రిష్ లు కూడా త‌మ చిత్రాల‌ని ముందు చెప్పిన‌ట్టుగానే విడుద‌ల చేశారు. క్రిష్ అయితే ఖాళీ దొర‌క‌డంతో రెండు వారాలు ముందుగానే సినిమాని విడుద‌ల చేశాడు. త్రివిక్ర‌మ్ కూడా త‌న `అ ఆ` సినిమాని ఈసారి తొంద‌ర‌గానే ప్రేక్ష‌కుల ముందుకు తీసుకురాబోతున్నాడు.

తాజాగా కొర‌టాల శివ కూడా ఎన్టీఆర్ సినిమాకి కొబ్బ‌రికాయ కొట్టిన వెంట‌నే సినిమా రిలీజ్ డేట్‌ ని ప్ర‌క‌టించేశాడు.  
ఎన్టీఆర్ క‌థానాయ‌కుడిగా మైత్రీ మూవీస్ ప‌తాకంపై ఓ చిత్రం తెర‌కెక్కుతున్న విష‌యం తెలిసిందే. ఇందులో అమైరా ద‌స్తూర్ క‌థానాయిక‌గా న‌టిస్తున్న‌ట్టు స‌మాచారం. జ‌న‌తా గ్యారేజ్ అనే వ‌ర్కింగ్ టైటిల్‌ తో రూపుదిద్దుకోనున్న ఈ చిత్రాన్ని జ‌న‌వ‌రిలో సెట్స్‌ పైకి తీసుకెళ‌తారు. ఆగ‌స్టు 12న చిత్రాన్ని ప్రేక్ష‌కుల ముందుకు తీసుకొస్తారు. కృష్ణా పుష్క‌రాల సంద‌ర్భంగా సినిమాని విడుద‌ల చేయ‌బోతున్నార‌ట‌. `శ్రీమంతుడు` సినిమాని కాస్త నిదానంగా తీసిన కొర‌టాల... ఎన్టీఆర్ సినిమాని మాత్రం వేగంగా ప్రేక్ష‌కుల ముందుకు తీసుకురావాల‌ని చూస్తున్నాడు.