రాయుడులో పవన్ జోక్యం లేదంటున్నారే

పవన్ కళ్యాణ్ సినిమాల కోసం అభిమానులు ఎంత ఆత్రంగా ఎదురుచూస్తారో.. పవర్ స్టార్ కు పక్కాగా తెలుసు. అలాగే తన సినిమాల్లో ఉంటే అంశాలు ఫ్యాన్స్ అలరించేలా చూసుకుంటాడు పవన్. ఇందుకోసం అన్ని విభాగాల్లోనూ జోక్యం చేసుకుంటాడనే టాక్ ఉండడమే కాదు.. ఆవిషయం స్పష్టంగా కనిపిస్తుంది కూడా.

గతేడాది వచ్చిన సర్దార్ గబ్బర్ సింగ్ విషయంలో పవన్ జోక్యమే ఎక్కువగా చెడు చేసిందన్నది అభిమానుల ఫీలింగ్. ప్రస్తుతం కాటమరాయుడు విషయంలో ఇలాగే జరుగుతుందేమో అనే అనుమానం అభిమానుల్లో ఎక్కువగానే ఉంది. కానీ రీసెంట్ గా రిలీజ్ అయిన టీజర్ చూస్తే.. అసలు పవర్ స్టార్ ఏ మాత్రం సినిమా విషయంలో జోక్యం చేసుకోలేదని.. దర్శకుడు డాలీ ఇష్టానికి మొత్తం వదిలేశాడనే విషయం అర్ధమవుతుంది. రీమేక్ చిత్రం కావడంతో.. డైరెక్టర్ కి ఫ్రీ హ్యాండ్ ఇచ్చేశాడట పవన్.

అలాగే పొలిటికల్ గా కూడా యాక్టివ్ గా మారడంతో.. కాటమరాయుడు స్క్రిప్ట్.. పిక్చరైజేషన్ లో వేలు పెట్టేందుకు పవన్ కు తీరిక ఉండడం లేదట. ఏమైనా దర్శకుడి అభీష్టానికి మొత్తం అప్పగించేయడం మాత్రం.. పవన్ ఫ్యాన్స్ ను తెగ ఖుషీ చేసేస్తోంది.

Like Us on Facebook : https://www.facebook.com/Tupakidotcom/