చరణ్‌ తో తెలియదు.. తేజ్ తో పక్కా?

ఇప్పటివరకు పవర్ స్టార్ పవన్ కళ్యాణ్‌ చాలా ప్రాజెక్టులను ఎనౌన్స్ చేశాడు. దాసరి నిర్మాణంలో తానో సినిమా చేస్తానని.. అలాగే తన నిర్మాణంలో రామ్ చరణ్‌ ఒక సినిమా చేస్తాడని ఆయనే స్వయంగా ప్రకటించాడు. అయితే వీటిపై ఇంతవరకు ఎటువంటి క్లారిటీ అనేది లేనే లేదు. కాకపోతే ఇప్పుడు మాత్రం మరో కొత్త సినిమా గురించి వినిపిస్తోంది.

ఆల్రెడీ తన పవన్ కళ్యాణ్‌ క్రియేటివ్ వర్క్స్ సమర్పణలో.. త్రివిక్రమ్ తో కలసి.. హీరో నితిన్ కొత్త సినిమాను ప్రొడ్యూస్ చేస్తున్నాడు పవర్ స్టార్. ఇప్పుడు అదే తరహాలో తన మేనల్లుడు సాయిధరమ్ తేజ్ హీరోగా ఒక సినిమాను ప్రొడ్యూస్ చేస్తాడని తెలుస్తోంది. ఈ సినిమాను ఎవరు డైరక్ట్ చేస్తారు.. ఎంత బడ్జెట్లో రూపొందిస్తారు.. ఎప్పుడు మొదలెడతారు అనే విషయాలపై ఇంకా క్లారిటీ లేదు కాని.. సాయిదరమ్ తేజ్ ఇప్పుడు బివిఎస్ రవి డైరక్షన్లో చేస్తున్న ''జవాన్'' సినిమా పూర్తవ్వగానే ఈ సినిమా పట్టాలెక్కుతుందని ఫిలిం నగర్ టాక్.

ఇప్పటివరకు దాసరికి సినిమా చేయలేదు.. చరణ్‌ తో సినిమా మొదలెట్టలేదు.. మరి సాయిధరమ్ తో స్టార్ చేస్తావా పవన్? ప్రస్తుతం మన పవర్ ఫుల్ హీరో కాటమరాయుడు పోస్ట్ ప్రొడక్షన్ పనులు మరియు సాంగ్ షూటింగ్ లో బిజీగా ఉన్న సంగతి తెలిసిందే.

Like Us on Facebook : https://www.facebook.com/Tupakidotcom/