లెజెండ్ అనుప‌మ్ ఖేర్ తో ల‌క్ష్మీ మంచు!

మంచు ల‌క్ష్మీ ప్ర‌స‌న్న ఆల్ రౌండ‌ర్ నైపుణ్యం గురించి తెలిసిన‌దే. టీవీ హోస్ట్ గా.. రియాలిటీ షోల జ‌డ్జిగానే కాదు క‌థానాయిక‌గా .. నిర్మాత‌గానూ టాలీవుడ్ లో స‌త్తా చాటారు. ఇటీవ‌ల‌ `లాక్ అప్ విత్ మంచు ల‌క్ష్మి` షో ద్వారా అభిమానుల‌కు ట‌చ్ లో ఉన్నారు.

ఇక ల‌క్ష్మీ ప్ర‌స‌న్న ప‌లు న‌ట‌శిక్ష‌ణా క‌ళాశాలల్లోనూ గెస్ట్ లెక్చ‌ర్లు ఇవ్వ‌డం తెలిసిన‌దే. తాజాగా ది గ్రేట్ లెజెండ‌రీ న‌టుడు న‌ట‌శిక్ష‌కుడు అనుప‌మ్ ఖేర్ తో మంచు లక్ష్మి ఫోటోలు అంత‌ర్జాలంలో వైర‌ల్ అయ్యాయి. హైద‌రాబాద్ తాజ్ ఫ‌ల‌క్ నుమా ప్యాలెస్ లో జరిగిన ఓ బుక్ ఈవెంట్ కి బాలీవుడ్ న‌టుడు.. న‌ట‌శిక్ష‌కుడు అనుప‌మ్ ఖేర్ విచ్చేశారు. `యువ‌ర్ బెస్ట్ డే ఈజ్ టుడే` పుస్త‌కావిష్క‌ర‌ణ‌లో అనుప‌మ్ తో క‌లిసి ల‌క్ష్మీ మంచు పాల్గొన్నారు. ఈ సంద‌ర్భంగా ఈ రేర్ క్లిక్ సాధ్య‌మైంది. ప్ర‌స్తుతం ఈ ఫోటో సోష‌ల్ మీడియాల్లో వైర‌ల్ గా మారింది.

మంచు లక్ష్మి ఇంత‌కుముందు లాస్ వెగాస్ -డెసపరేట్ హౌజ్ వైవ్స్ వంటి అమెరికన్ టెలివిజన్ షోస్ లో నటించిన సంగ‌తి తెలిసిందే. అన‌గ‌న‌గా ఒక ధీరుడు చిత్రంతో టాలీవుడ్ లో అడుగుపెట్టి ప‌లు విజ‌య‌వంత‌మైన చిత్రాల్లో న‌టించారు. అనుప‌మ్ ఖేర్ త‌న న‌ట‌శిక్ష‌ణా సంస్థ‌ను హైద‌రాబాద్ లోనూ ప్రారంభించిన సంగ‌తి తెలిసిందే.