'నార‌ప్ప'లో సెకండాఫ్ సీన్స్ రీ షూట్ కి ప్లాన్ చేస్తున్నారా..?

విక్టరీ వెంకటేష్ నటిస్తున్న తాజా చిత్రం 'నారప్ప'. శ్రీకాంత్ అడ్డాల ఈ చిత్రానికి దర్శకత్వం వహిస్తున్నారు. సురేష్ ప్రొడక్షన్స్ బ్యానర్‌ పై సురేష్ బాబు మరియు క‌లైపులి ఎస్.థాను సంయుక్తంగా ఈ చిత్రాన్ని నిర్మిస్తున్నారు. ఇది ధనుష్ నటించిన సూపర్ హిట్ తమిళ మూవీ 'అసురన్' కి రీమేక్ గా తెరకెక్కుతోంది. ఇందులో వెంకీ రైతుగా.. ఇద్దరు పిల్లల తండ్రిగా కనిపించనున్నాడు.

 ఇక నారప్ప భార్య సుందరమ్మగా హీరోయిన్ ప్రియమణి నటిస్తోంది. ఇప్ప‌టికే ఈ సినిమా షూటింగ్ కంప్లీట్ చేసుకుని.. ప్ర‌స్తుతం పోస్ట్ ప్రొడ‌క్ష‌న్ వ‌ర్క్స్ జరుపుకుంటోంది. అయితే 'నారప్ప' సెకండాఫ్ లో కొన్ని కీల‌క స‌న్నివేశాలకి సంబంధించిన అవుట్ పుట్ పై ద‌ర్శ‌కుడు శ్రీకాంత్ అడ్డాల‌ అంత‌గా సంతృప్తిగా లేదట.

దీంతో దర్శకుడు మ‌ళ్లీ ఓ అయిదు రోజులు రీ షూట్ ప్లాన్ చేశాడ‌ట‌. అయితే వెంకీ మాత్రం రీ షూట్ కి రావడానికి ఆసక్తి చూపించడం లేదనే టాక్ నడుస్తోంది. ఇప్పుడు సురేష్ బాబు ద్వారా వెంకటేష్ ని ఒప్పించాలని చూస్తున్నారట. మరి త్వరలోనే ఈ ప్యాచ్ వర్క్ పూర్తి చేస్తారేమో చూడాలి. కాగా, ఈ చిత్రానికి మణిశర్మ సంగీతం సమకూరుస్తున్నారు. మార్తాండ్ కె. వెంకటేష్‌ ఎడిటింగ్ వర్క్ చేస్తుండగా.. గాంధీ నడికుడికర్‌ ఆర్ట్ డైరెక్టర్ గా చేస్తున్నారు. ఇటీవల 'నారప్ప' టీజర్ కూడా విడుదల చేశారు. వెంకటేష్ కెరీర్‌ లో 74వ సినిమాగా వస్తున్న 'నారప్ప' కోసం ఫ్యాన్స్ ఆసక్తిగా ఎదురుచూస్తున్నారు. ఈ సినిమాను సమ్మర్‌ లో విడుదల చేయడానికి సన్నాహాలు చేస్తున్నారు.