మెగాస్టార్ బాగానే కష్టపడ్డాడు బాసూ!!

ఫిలిం ఇండస్ట్రీలో ఓ స్థాయి సాధించడం చాలా కష్టం. ముఖ్యంగా డైరెక్టర్ గా ఎదగాలన్నా.. ఓ స్క్రిప్ట్ కు నిర్మాతను వెతుక్కోవాలన్నా బోలెడన్ని కష్టాలను ఫేస్ చేయాల్సి వస్తుంది. అంతో ఇంతో బ్యాక్ గ్రౌండ్ ఉన్నవారికి దర్శకుడిగా అవకాశం త్వరగానే రావచ్చు కానీ.. అదే కష్టపడి పైకి వచ్చేవారికి మాత్రం బోలెడంత కష్టపడాల్సి వస్తుందిి.

కష్టపడి కెరీర్ లో పైకి వచ్చి ఓ రేంజ్ ను సాధించి.. బుల్లి తెర మెగాస్టార్ అనిపించుకున్నాడు ప్రభాకర్. ఈటీవీ ప్రభాకర్ అనిపించేసుకున్నాడు. కానీ దర్శకుడిగా మారాలని నిర్ణయించుకున్న తర్వాత ఓ స్క్రిప్ట్ ను పట్టాలెక్కించడానికి ఐదేళ్ల సమయం పట్టింది. అనేక ప్రొడక్షన్ హౌస్ ల చుట్టూ తిరిగాడు. గీతా ఆర్ట్స్ ఆఫీస్ చుట్టూ 3 ఏళ్ల పాటు తిరిగి.. దాదాపు 20 స్టోరీలు వినిపించినా అవకాశం చిక్కలేదు. ఐదేళ్ల పాటు తిరిగిన తర్వాత.. ఇప్పటిక ఓ మూవీ అవకాశం అందుకున్నాడు ప్రభాకర్.

వీ4 మూవీస్ సంస్థ తమ తొలి చిత్రంగా ఓ ప్రాజెక్టును.. ప్రభాకర్ దర్శకత్వంలో ప్రారంభిస్తుండగా.. ఈ మూవీలో సాయి కుమార్ కుమారుడు ఆది హీరోగా నటిస్తున్నాడు. హాయ్ యాంకర్ రష్మీ గౌతమ్ ఈ చిత్రంలో హీరోయిన్ గా యాక్ట్ చేయనుండడంతో ఇప్పటకే ఆసక్తి జనరేట్ అయింది. ఇప్పుడు సెకండ్ ఇన్నింగ్స్ లో కూడా తాను సక్సెస్ అవుతానని కాన్ఫిడెంట్ గా ఉన్నాడు ఈటీవీ ప్రభాకర్.

Like Us on Facebook : https://www.facebook.com/Tupakidotcom/