ఆ షోలో ప్ర‌భాస్, రానా గుట్టు లీక్

టాలీవుడ్ ఎలిజిబుల్ బ్యాచిల‌ర్స్ ప్ర‌భాస్- రానా అడ్డంగా బుక్క‌య్యారా?  ఈ సీనియ‌ర్‌ బ్యాచిల‌ర్స్ గుట్టు ఓ టీవీ చానెల్ షోలో ర‌ట్టు కాబోతోందా?  అంటే అవున‌నే చెబుతున్నారు. అస‌లు ఇంత‌కాలం పెళ్లి అన్న మాటే లేకుండా ఈ బ్యాచిల‌ర్ హీరోలు ఆడుతున్న డ్రామాల‌కు చెక్ పెట్టేసే షో ఇద‌ని తెలుస్తోంది. ఈ షోని అటు ఉత్త‌రాదితో పాటు ఇటు ద‌క్షిణాదినా కోట్లాది మంది అభిమానులు వీక్షించేందుకు రెడీ అవుతున్నారు. ఇంత‌కీ ఇది ఏ షో? అంటే ఇదిగో ఇదే స‌మాధానం.

గ‌త రెండు వారాలుగా బాలీవుడ్‌ లో ఆస‌క్తిగా ముచ్చ‌టించుకుంటున్న `కాఫీ విత్ క‌ర‌ణ్‌` లేటెస్ట్ స్పెష‌ల్ ఎపిసోడ్‌ లో ప్ర‌భాస్- రానా గుట్టు లీక్ కానుందని తెలుస్తోంది. ఈ షోలో బాహుబ‌లి త్ర‌యం రాజ‌మౌళి తో పాటు ప్ర‌భాస్- రానా త‌మ లైఫ్‌ కి సంబంధించిన టాప్ సీక్రెట్స్‌ని రివీల్ చేయ‌నున్నారు. ఆ ఇద్ద‌రి గుట్టూ రాజ‌మౌళి స్వ‌యంగా లీక్ చేయ‌బోతున్నారు. అలాగే బాహుబ‌లి కి సంబంధించి ఎన్నో తెలియ‌ని విష‌యాల్ని వీళ్లు ఈ షోలో రివీల్ చేస్తార‌ట‌. ఇప్ప‌టికే క‌ర‌ణ్ షోకి సంబంధించిన కొన్ని ప్ర‌మోలు లైవ్‌ లోకి వ‌చ్చారు. ఈ ప్రోమోల్లో క‌ర‌ణ్ ప‌లు ఆస‌క్తిక‌ర ప్ర‌శ్నల్ని సంధించాడు.

ప్ర‌భాస్- రానా ఇద్ద‌రిలో ఎవ‌రు బిగ్‌ బ్యాడ్ బోయ్‌? అని క‌ర‌ణ్ రాజ‌మౌళి ని ప్ర‌శ్నిస్తే అందుకు సమాధానంగా ప్ర‌భాస్ నే .. కానీ అది క‌నిపెట్ట‌లేరు అంటూ అంటూ షాకిచ్చాడు రాజ‌మౌళి. అలాగే ప్ర‌భాస్ డేటింగ్ ఎవ‌రితో?  అనుష్క‌తో ఎఫైర్ క‌థేంటి? త‌దిత‌ర ప్ర‌శ్న‌ల‌కు ప్ర‌భాస్ స్పందించారు. ఇక ఇప్ప‌టికే ఈ క్రేజీ టీవీ షోలో దీపిక ప‌దుకొనే- ర‌ణవీర్ సింగ్- అమీర్ ఖాన్- క‌త్రిన కైఫ్‌- వ‌రుణ్ ధావ‌న్‌- కాజోల్ వంటి స్టార్ల‌ను క‌ర‌ణ్ గ‌త ఎపిసోడ్స్‌లో ఇంట‌ర్వ్యూలు చేసిన సంగ‌తి తెలిసిందే. వాట‌న్నిటికంటే బాహుబ‌లి త్ర‌యం ఎపిసోడ్ కోస‌మే జ‌నం ఆస‌క్తి గా వేచి చూడ‌డం విశేషం. ఈ షో కోసం ప్ర‌భాస్- రానా- రాజ‌మౌళి అల్ట్రా మోడ్ర‌న్ స్టైల్లో కి మారిపోయి కొత్త లుక్‌ తో షూటింగ్‌లో పాల్గొన్నారు.