ప్రభాస్‌ రెండు కాదు మూడు సినిమాలు ఒకేసారి

ప్రభాస్‌ రాబోయే రెండేళ్లలో వరుసగా సినిమాలతో ప్రేక్షకుల ముందుకు రాబోతున్నాడు. ఈ ఏడాదిలో రాధేశ్యామ్‌ ను విడుదల చేసేందుకు ప్రయత్నాలు చేస్తున్నారు. పరిస్థితులు చక్కబడితే ప్రభాస్ సినిమాలన్ని కూడా ఒకదాని వెంట మరోటి అన్నట్లుగా క్యూ కట్టబోతున్నాయి. కరోనా సెకండ్ వేవ్‌ లోనూ ప్రభాస్ సినిమాల షూటింగ్‌ లు కొనసాగుతున్నాయని తెలుస్తోంది. ఇటీవలే ప్రభాస్ సలార్‌ మరియు ఆదిపురుష్‌ ల షూటింగ్ లు హైదరాబాద్‌ లో సమాంతరంగా సాగబోతున్నాయంటూ వార్తలు వచ్చాయి. రెండు సినిమాల షూటింగ్ ల్లో కూడా పాల్గొనబోతున్నాడంటూ మీడియా సర్కిల్స్ లో ప్రచారం జరిగింది. ఇప్పుడు రెండు కాదు మూడు అంటూ సమాచారం అందుతోంది.

సలార్ మరియు ఆదిపురుష్‌ ల సినిమాలు మాత్రమే కాకుండా మరో వైపు రాధే శ్యామ్‌ బ్యాలన్స్ వర్క్‌ ను కూడా ప్రభాస్ పూర్తి చేయబోతున్నట్లుగా తెలుస్తోంది. ఈ మూడు సినిమాలు కూడా హైదరాబాద్ లో షూటింగ్‌ జరుపుకోబోతున్నాయి. ప్రభాస్ మూడు సినిమాలను బ్యాలన్స్‌ చేస్తూ షూటింగ్‌ లకు హాజరు అవ్వనున్నాడు. రాధే శ్యామ్‌ షూటింగ్ ప్యాచ్‌ వర్క్ మాత్రమే కనుక త్వరగానే పూర్తి అవ్వబోతుంది. ఇక సలార్‌ షూటింగ్ కీలక షెడ్యూల్‌ ను హైదరాబాద్ లో నిర్వహించేందుకు గాను నెల రోజుల సమయం తీసుకుంటున్నారు.

ఇక ఆదిపురుష్‌ సినిమాను హైదరాబాద్ లో దాదాపుగా 150 రోజుల పాటు చిత్రీకరించబోతున్నారు. ఆ సమయంలోనే నాగ్‌ అశ్విన్‌ మూవీ కూడా పట్టాలెక్కబోతుంది. హైదరాబాద్‌ లోనే నాగ్‌ అశ్విన్‌ మొదటి షెడ్యూల్‌ ను ప్లాన్‌ చేస్తున్నాడట. అంటే ఆదిపురుష్‌ తో కలిసి నాగ్‌ అశ్విన్ మూవీ కూడా షూట్ జరిపే అవకాశం ఉంది. మొత్తంగా ఒకదాని తర్వాత ఒకటి అని కాకుండా ఒకేసారి రెండు మూడు సినిమాలు చేస్తున్న కారణంగా ప్రభాస్ అభిమానులు ఫుల్‌ ఖుషీ.