స‌రిలేరు సెట్ లో స్మాల్ బ్రేక్.. ఇంత‌లోనే!

షూటింగ్ జ‌రుగుతున్నంత సేపూ ఎంత సీరియ‌స్ గా ఉంటుందో వెద‌ర్.. ఇలా బ్రేక్ రాగానే అంతే సంద‌డిగా మారిపోతుంది ఆన్ లొకేష‌న్. అందుకు ఇదిగో ఈ పోటోనే సాక్ష్యం. ఒకే ఫ్రేమ్ లో ముగ్గురు టాప్ స్టార్లు క‌నిపిస్తున్నారు. సూప‌ర్ స్టార్ మ‌హేష్ - లేడీ సూప‌ర్ స్టార్ విజ‌య‌శాంతి- విల‌క్ష‌ణ న‌టుడు ప్ర‌కాష్ రాజ్ .. ఈ ముగ్గురూ స‌ర‌దా స‌ర‌దాగా ఏవో క‌బుర్లు చెప్పేసుకుంటున్నారు. పిచ్చా పాటీలో ఎవ‌రు ఏం జోక్ వేశారో కానీ అంద‌రి ఫేస్ లలో చిరున‌వ్వులు క‌నిపిస్తున్నాయి. లేడీ బాస్ విజ‌య‌శాంతి సైతం న‌వ్వులు చిందిస్తూ ఆహ్లాద‌క‌ర‌మైన వాతావ‌ర‌ణాన్ని ఎంజాయ్ చేస్తున్నారు. దాదాపు 13ఏళ్ల గ్యాప్ త‌ర్వాత విజ‌య‌శాంతి తిరిగి సినిమాల్లో రీఎంట్రీ ఇస్తున్నారు. ఇలాంటి స‌మ‌యంలో సెట్లో వాతావ‌ర‌ణం ఎలా ఉంటుందోన‌న్న టెన్ష‌న్ లేకుండా ఎంజాయ్ చేస్తున్నార‌ని ఈ ఫోటోని బ‌ట్టి అర్థ‌మ‌వుతోంది.

ఇంత‌కీ అనీల్ రావిపూడి ఎక్స్ ప్రెష‌న్ కి అర్థం ఏమిటో? ఏదో ఎగ్జ‌యిట్ మెంట్లోనే క‌నిపిస్తున్నాడు ఈ యువ‌ద‌ర్శ‌కుడు. బ‌హుశా.. స‌రిలేరు నీకెవ్వ‌రు షూటింగ్ సాఫీగా సాగిపోతోంది. పైగా సీన్లు కూడా బాగా వ‌స్తున్నాయ‌న్న టాక్ ఉంది. ఓ ఇంట‌ర్వ్యూలో లేడీ సూప‌ర్ స్టార్ మాట్లాడుతూ .. సంక్రాంతి రేస్ లో ష్యూర్ షాట్ హిట్ కొట్టే చిత్రం స‌రిలేరు నీకెవ్వ‌రు అని వెల్ల‌డించారు. అలాగే ఈ చిత్రంలో భార‌తి అనే డిగ్నిఫైడ్ పాత్ర‌లో న‌టిస్తున్నారు విజ‌య‌శాంతి. మ‌హేష్ ఆర్మీ అధికారిగా న‌టిస్తుండ‌గా.. ప్ర‌కాష్ రాజ్ ఓ రాజ‌కీయ నాయ‌కుడిగా క‌నిపించ‌నున్నారు. అయితే అత‌డి పాత్ర గ్రేషేడ్ తో ఉంటుందా? అన్న‌ది తెలియాల్సి ఉంది. ఇక ఈ చిత్రంలో ప్ర‌కాష్ రాజ్- విజ‌య‌శాంతి భార్య‌భ‌ర్త‌లు గా న‌టిస్తున్నారా?  లేక ఇంకేదైనా స‌స్పెన్స్ ఉందా? అన్న‌ది రివీల్ కావాల్సి ఉంది.

మ‌హేష్ స‌తీమ‌ణి న‌మ్ర‌త శిరోద్క‌ర్ ఈ ఫోటోని రివీల్ చేశారు. అయితే ఒక్క ఫోటోతోనే సినిమా మ్యాట‌ర్స్ అన్నిటినీ గెస్ చేయ‌డం సులువేం కాదు. మొత్తానికి అనీల్ రావిపూడి అదిరిపోయే కామెడీ యాక్ష‌న్ ఎంట‌ర్ టైన‌ర్ ని తీర్చిదిద్దుతున్నార‌న్న స‌మాచారం ఉంది. 2020 సంక్రాంతికి ట్రీట్ కి రెడీ కావాల్సిందే.