కొత్త హీరో హీరోయిన్లతో ఓ సినిమా రూపొందుతోందంటే.. సహజంగానే ఆసక్తి కలుగుతుంది. కొన్ని సినిమాలకు ఇబ్బందులు ఎదురవుతాయేమో కానీ.. కంటెంట్ స్ట్రాంగ్ గా ఉంటే మాత్రం.. ఈజీగానే థియేటర్లలోకి వచ్చి జనాలను మెప్పించేస్తుంటాయి.
ఇలా టాలీవుడ్ జనాలను ప్రస్తుతం ఆకట్టుకుంటున్న ఓ చిత్రం ప్రేమతో మీ కార్తీక్. కార్తికేయ అనే కొత్త కుర్రాడు హీరోగా నటిస్తుండగా.. సిమ్రత్ కౌర్ అనే భామ హీరోయిన్ గా అదృష్టం పరీక్షించుకుంటోంది. ఈ నెలలోనే విడుదలకు ప్లాన్ చేస్తున్న ఈ చిత్రానికి.. ఇప్పుడు థియేట్రికల్ ట్రైలర్ ను రిలీజ్ చేశారు. గొల్లపూడి మారుతిరావు లాంటి సీనియర్ నటుడు కం రైటర్ తో ట్రైలర్ స్టార్ట్ చేసిన విధానం ఆకట్టుకుంటుంది. హీరో హీరోయిన్స్ కొత్త వాళ్లు అనే ఫీలింగ్ మినహాయిస్తే.. సినిమాలో ఆర్టిస్టుల విషయంలో ఎక్కడా కాంప్రమైజ్ కాలేదు.
చెప్పాల్సిన పాయింట్ ను డైలాగ్స్ రూపంలో ఎక్స్ ప్రెస్ చేసిన తీరు ఎంతో ఆకట్టుకుంటుంది. షాన్ రెహ్మాన్ ఇచ్చిన మ్యూజిక్.. బ్యాక్ గ్రౌండ్ స్కోరు సినిమాకు బాగా ప్లస్ అవుతుంది. సబ్జెక్ట్ కాస్త టఫ్ గా అనిపించినా.. ఫ్యామిలీ ఎమోషన్స్ సహా దర్శకుడు రుషి డీల్ చేసిన తీరుకు.. జనాలు మెస్మరైజ్ కావడం ఖాయం. ట్రైలర్ లో కనిపించిన టెంపో సినిమాలో కూడా ఉంటే... ప్రేమతో మీ కార్తీక్ టైటిల్ నే కాదు.. సినిమాను కూడా జనాలు అక్కున చేర్చేసుకుంటారని చెప్పచ్చు.