కాటమరాయుడికి టీజర్ కష్టాలు ఎందుకంటే

పవన్ కళ్యాణ్ లేటెస్ట్ మూవీ కాటమరాయుడు.. ఆఘమేఘాల మీద షూటింగ్ జరుపుకుంటోంది. మార్చి చివరికల్లా సినిమాను రిలీజ్ చేసేందుకు పక్కా ప్రణాళికతో వర్క్ చేస్తున్నామని నిర్మాత శరత్ మరార్ చెబుతున్నాడు కానీ.. ఇప్పటివరకూ కనీసం టీజర్ కూడా విడుదల చేయలేదు.

న్యూ ఇయర్ కి మూడు రోజులు ముుందు నుంచి పోస్టర్లతో హంగామా చేసిన కాటమరాయుడు యూనిట్.. టీజర్ ను సంక్రాంతికి ఇస్తామన్నారు. ఆ తర్వాత రిపబ్లిక్ డే నాటికి ఈ డేట్ పోస్ట్ పోన్ అయింది. అప్పుడు కూడా కాటమరాయుడు టీజర్ రాలేదు. ఆ రోజు వెళ్లిపోయి ఇప్పటికి పది రోజులు అవుతోంది కానీ.. టీజర్ మాట మాత్రం లేదు. ఇంతకీ అసలు కాటమరాయుడు టీజర్ ఎందుకింత లేట్ అవుతోందనే విషయాన్ని.. ఎక్స్ క్లూజివ్ గా సంపాదించిం తుపాకి.కాం.

కాటమరాయుడు టీజర్ లో పవర్ ఎమోషన్స్ తో పాటు యాక్షన్ పార్ట్ కూడా ఫుల్ ప్లెడ్జెడ్ గా ఉండాలని భావిస్తున్నాడట పవర్ స్టార్. వీటికి సంబంధించి కొంత గ్రాఫిక్స్ వర్క్ కూడా ఉంటుందట. ఇది పూర్తి కాకపోవడం.. ఇప్పటివరకూ చేసిన వర్క్ పై పవన్ సంతృప్తి వ్యక్తం చేయకపోవడంతో.. టీజర్ ను పోస్ట్ పోన్ చేస్తూ వచ్చారని తెలుస్తోంది. కానీ రీసెంట్ గా రెడీ చేసిన మాత్రం.. పవన్ కూడా మెచ్చేలా ఉందట. ఒకట్రెండు రోజుల్లో కాటమరాయుడు టీజర్ ను లాంఛ్ చేసేయనున్నారని తెలుస్తోంది. సో పవర్ స్టార్ ఫ్యాన్స్.. గెట్ రెడీ ఫర్ కాటమరాయుడు ఫీస్ట్.

Like Us on Facebook : https://www.facebook.com/Tupakidotcom/