హాలీవుడ్ లో దూసుకుపోతున్న చెర్రీ భామ

రామ్‌ చరణ్‌ సరసన 'జంజీర్‌' సినిమాలో హీరోయిన్‌ గా నటించి.. బాలీవుడ్ బ్యూటీ ప్రియాంక చోప్రా.. మనకు బాగా పరిచయమైంది. ఇప్పుడు లాస్ ఏంజెల్స్ లో సందడి చేస్తోంది. రీసెంట్ ప్రియాంక నటించిన హాలీవుడ్ టీవీ సీరియల్ క్వాంటికో.. తొలి భాగం టెలికాస్ట్ అయింది. ఈ ప్రోగ్రాంకి సంబంధించిన ప్రమోషన్ కార్యక్రమాల కోసం అమెరికా దేశమంతా చుట్టేస్తోందీ బ్యూటీ. హాలీవుడ్ మూవీస్ లో ఎంట్రీకి ట్రైలర్ ఎటెంప్ట్ లా భావిస్తున్నారు బాలీవుడ్ జనాలు.

ఈ సీరియల్ ప్రీమియర్ షోకి విపరీతమైన స్పందన వచ్చింది. మొత్తంగా చూస్తే టీవీ షో సాధారణంగానే ఉందనే టాక్ వచ్చినా.. ప్రియాంక మాత్రం ఇరగదీసేసిందంటున్నారు. ఈ కార్యక్రంలో ప్రియాంక చోప్రా కేరక్టర్ పేరు అలెక్స్ పారిష్. ఎఫ్ బీఐ లో పని చేస్తుందన్నమాట. పాత్ర ప్రకారం ఈమె హాఫ్ ఇండియన్, హాఫ్ అమెరికన్. వాస్తవానికి ఈ సీరియల్ ప్రచారానికి ముందునుంచే ప్రియాంక సెంట్రాఫ్ ఎట్రాక్షన్ అయింది. ఇంటిమేట్ సీన్స్ నుంచి - ఎమోషనల్ సీన్స్ వరకు, ఛేజింగ్ నుంచి కార్ లోనే రొమాన్స్ జరిపే సన్నివేశాల వరకూ అన్నింటిలోనూ ప్రియాంక చోప్రానే మెయిన్ ఫోకస్ చేశారు.

తన పాత్రకు రెస్పాన్స్ అదిరిపోవడంతో ఈ బాలీవుడ్ భాగా బాగా ఖుషీగా ఉంది. తాజాగా జిమ్మీ కెర్నెల్ టీవీ షోలో కూడా పాల్గొని ప్రచారాన్ని హీటెక్కించేసింది. తాజాగా సోదరి పరిణీతి చోప్రా - అలియాభట్ - సోనాక్షి సిన్హా - దీపికా పడుకునే - అనుష్క శర్మలు.. అభినందనలు తెలిపారు. సీరియల్ ఆనందానికి తోడు.. ఇప్పుడు తోటి పోటీ హీరోయిన్ల నుంచే బెస్ట్ విషెస్ అందడంతో.. ప్రియాంక సంతోషంతో మునిగి తేలిపోతోంది.