అది చూసి పెళ్లి అంటే ఎలా?

బాలీవుడ్ కం హాలీవుడ్ బ్యూటీ ప్రియాంక చోప్రా ఇప్పుడు దేశదేశాలు చక్కర్లు కొట్టేస్తోంది. అడపాదడపా ఇండియా వస్తోంది కానీ.. ఇక్కడ మకాం వేస్తున్న సందర్భాలు.. రోజులు తక్కువే. ఏవో బ్రాండ్ అండార్స్ మెంట్స్  కోసం మినహాయిస్తే.. ఇండియాలో కనిపించడమే లేదు ఈ బ్యూటీ.

తల్లితో సహా అమెరికా షిఫ్ట్ అయిపోయిన తర్వాత.. ప్రియాంక చోప్రా చాలా రేర్ గా ఇండియా వస్తోంది. ఈ మధ్య కాలంలో అసోంకు ప్రచారకర్తగా ఎంపికయినపుడు మాత్రం కొన్ని రోజులు సందడి చేసింది. అయితే.. గత కొన్ని రోజులుగా ప్రియాంక చోప్రా మీద ఓ రూమర్ విపరీతంగా చక్కర్లు కొడుతోంది. అమ్మడు అమెరికాలో ఎవరినో సీక్రెట్ గా మ్యారేజ్ చేసేసుకుందని.. ఆ విషయాన్ని ఎవరికీ చెప్పకుండా దాచిపెట్టేసిందన్నది వాటి సారాంశం. వీటన్నిటికీ మూలం ఏంటంటే.. అమ్మడి చేతికి ఉన్న ఓ బ్రేస్ లెట్. అయినా.. కాలి వేళ్లకు మెట్టెలు కనిపించినా.. మెడలో నల్లపూసలు కానీ.. మంగళసూత్రం కానీ కనిపించినా పెళ్లయిందేమో అనుకుంటారు కానీ.. బ్రేస్ లెట్ తో పెళ్లి అని ఎలా ఫిక్స్ అవుతారనే అనుమానం సహజం,

ఈ బ్రేస్ లెట్ అచ్చు గుద్దినట్లుగా మంగళసూత్రం మాదిరిగానే ఉంది మరి. దానిపైనే తెగ చర్చలు నడిచిపోతుంటే.. ఈ విషంపై పీసీ ఇప్పుడు క్లారిటీ ఇచ్చేసింది. తాను కేవలం దిష్టి కోసం పెట్టుకున్న ఓ పూస మాత్రమే ఇది అని తేల్చేసిన పిగ్గీ ఛాప్స్.. ఒకవేళ పెళ్లి చేసుకుంటే మాత్రం అందరికీ తప్పకుండా చెబుతానని అంటోంది.