బాల‌య్యతో పూరి.. ఇదేం స్పీడు బాబోయ్

హీరో ఎవ‌రైనా త‌న స్పీడు త‌న‌దేన‌ని రుజువు చేస్తున్నాడు పూరి జ‌గ‌న్నాథ్‌. నంద‌మూరి బాల‌కృష్ణ‌తో పూరి సినిమా అనౌన్స్ చేసి నెల రోజులు కూడా కాలేదు. ఈ లోపే ప్రారంభోత్స‌వం జ‌రిగిపోయింది. రెగ్యుల‌ర్ షూటింగ్ మొద‌లైపోయింది. ఇప్ప‌టికే ఒక షెడ్యూల్ కూడా పూర్త‌యింది. ఈ నెల 16న రెగ్యుల‌ర్ షూట్ ఆరంభ‌మైంద‌ని.. తొలి రోజు షూటింగ్ అద్భుతంగా సాగింద‌ని ట్విట్ట‌ర్లో వెల్ల‌డించిన పూరి.. బుధ‌వారం రాత్రి ఇంకో అప్ డేట్ ఇచ్చాడు. ఈ సినిమా కోసం వేసిన భారీ సెట్లో తొలి షెడ్యూల్ పూర్తి చేశామ‌ని.. యాక్ష‌న్ సీక్వెన్స్ తీశామ‌ని ప్ర‌క‌టించాడు పూరి.

ప్రారంభోత్స‌వంలో చెప్పిన‌ట్లే.. మ‌రోసారి నంద‌మూరి అభిమానుల‌కు ఈ సినిమా విందే అంటూ మ‌రోసారి నొక్కి వ‌క్కాణించాడు పూరి. బాల‌య్య సినిమాను పూరి ఇంత వేగంగా షూట్ చేస్తుండ‌టం అభిమానుల‌కు మ‌హ‌దానందాన్నిచ్చేదే. పూరి స్పీడు చూస్తుంటే అనుకున్న‌ట్లే సినిమాను సెప్టెంబ‌రు 29న రిలీజ్ కు రెడీ చేసేలా ఉన్నాడు. భ‌వ్య క్రియేష‌న్స్ బేన‌ర్ మీద ఆనంద్ ప్ర‌సాద్ నిర్మిస్తున్న ఈ చిత్రానికి ట‌పోరి అనే టైటిల్ అనుకుంటున్న‌ట్లుగా వార్త‌లొస్తున్నాయి. అదెంత వ‌ర‌కూ నిజ‌మో తెలియ‌దు. ఈ చిత్రానికి ఇంకా హీరోయిన్ ఖ‌రార‌వ్వ‌లేదు. ఇందులో న‌టించే మిగ‌తా న‌టీన‌టులెవ్వ‌రూ కూడా తెలియ‌దు. అంత‌లోనే పూరి తొలి షెడ్యూల్ పూర్తి చేసేయ‌డం విశేష‌మే.

Like Us on Facebook : https://www.facebook.com/Tupakidotcom/