పూరిలో ఈ కళ కూడా ఉందా?

పూరి జగన్నాథ్ దర్శకుడు.. రచయిత.. అప్పుడప్పుడూ నటిస్తూ కూడా ఉంటాడు. ఒకట్రెండు సినిమాల్లో కూడా కనిపించాడు. ఐతే ఆయనలో ఇంకో కళ కూడా ఉందని ‘రోగ్’ సినిమాతో వెల్లడైంది. ఈ చిత్రంలో పూరి కొరియోగ్రాఫర్ అవతారం కూడా ఎత్తడం విశేషం. టైటిల్ కార్డ్స్ లో కొరియోగ్రాఫర్ల పేర్లు పడ్డపుడు అందులో పూరి పేరు కూడా కనిపించింది. ఐతే పూరి పర్టికులర్ గా ఏ పాటకు కొరియోగ్రాఫ్ చేశాడన్నది వెల్లడించలేదు. సినిమాలోని పాటల్ని పరిశీలిస్తే.. తొలి పరవశమే అనే పాటకు ఆయన కొరియోగ్రఫీ అందించి ఉండొచ్చనిపిస్తుంది. ఈ పాట చాలా రొమాంటిగ్గా.. ఎరోటిగ్గా సాగుతుంది. అడవిల కొండ వాలు దగ్గర నీళ్లున్న అందమైన ప్రదేశంలో ఈ పాటను చాలా బాగా తీశారు.

ప్రకృతి అందాలకు తోడు హీరోయిన్ అందాలు కూడా బాగా ఎలివేట్ అయ్యాయి ఈ పాటలో. ఈ సాంగ్ చూస్తే.. ఇది రెగ్యులర్ కొరియోగ్రాఫర్లు కంపోజ్ చేసినట్లుగా అనిపించదు. కొంచెం చిత్రమైన విజువల్స్.. స్టెప్స్.. ఎక్స్ ప్రెషన్స్ కనిపిస్తాయి ఈ పాటలో. ఇంకా హీరోయిన్ చెట్టును వాటేసుకోవడం.. హీరో హీరోయిన్ వెనుకభాగంలో టచ్ చేయడం.. హీరోయిన్ వైపు ఆబగా చూడటం.. ఇలాంటి పూరి మార్కు విజువల్స్ కనిపిస్తాయి ఇందులో. ఐతే ఈ కొత్త కళల మాటేమో కానీ.. పూరి అసలు కళను వదిలేస్తున్నాడన్నదే ఆయన అభిమానుల ఆందోళన. ఈ మధ్య ఆయన సినిమాల్లో క్వాలిటీ బాగా తగ్గిపోతోంది. అందుకు లేటెస్ట్ ఎగ్జాంపుల్ ‘రోగ్’. అసలే ఈ సినిమాపై హైప్ లేకపోగా.. టాక్ కూడా చాలా బ్యాడ్ గా ఉండటంతో పూరి ఖాతాలో మరో ఫ్లాప్ పడటం ఖాయమని తేలిపోయింది.

Full View

Like Us on Facebook : https://www.facebook.com/Tupakidotcom/