ఎర్ర మూర్తి గారితో జయసుధ

ఆర్. నారాయరణ మూర్తి పేరు చెప్పగానే ఎర్ర సినిమాలు మాత్రమే గుర్తొస్తాయి. కాలంలో మార్పులు వస్తున్నా.. సినిమా ఎన్ని రకాలుగా మారుతున్నా.. వాటిని పట్టించుకోకుండా తను నమ్మిన సిద్ధాంతాన్ని మాత్రమే ఫాలో అవుతూ.. ఎర్ర సినిమాలు పోరాటాలతోనే కాలం గడుపుతున్న మూర్తి.. సాధారణంగా తన సినిమాలకు తానే నిర్మాణం-దర్శకత్వం చేసేసుకుంటూ ఉంటాడు. బైట సినిమాల్లో ఆఫర్స్ వచ్చినా చేయకపోవడం ఈయన స్పెషాలిటీ.

హెడ్ కానిస్టేబుల్ వెంకట్రామయ్య పేరుతో ఓ మూవీ తెరకెక్కనుండగా.. ఇందులో ఆర్ నారాయణ మూర్తి టైటిల్ రోల్ చేయనున్నాడు. ఈయనకు జంటగా నటించేందుకు సీనియర్ నటి జయసుధ యాక్సెప్ట్ చేయడం.. ఇప్పుడు ఇండస్ట్రీలో హాట్ టాపిక్ అయింది. నారాయణ మూర్తి-జయసుధ.. రేర్ కాంబో అంటున్నారు సినీ జనాలు. బిచ్చగాడుతో బ్లాక్ బస్టర్ కొట్టిన నిర్మాత చదలవాడ శ్రీనివాసరావు.. ఈ చిత్రానికి కథ-స్క్రీన్ ప్లే-నిర్మాణం-దర్శకత్వం వహించనున్నాడు.

ఓ సిన్సియర్ పోలీస్ అధికారికి ఎదురైన కష్టాలు.. తన దారి వదిలిపెట్టకుండానే వాటిని ఎలా అధిగమించాడనే లైన్ చుట్టూ రాసుకున్న స్టోరీనే హెడ్ కానిస్టేబుల్ వెంకట్రామయ్య. ఈ చిత్రానికి నారాయణమూర్తితో పాటు.. జయసుధ అదనపు అట్రాక్షన్ అనడంలో ఆశ్చర్యం అక్కర్లేదు.

Like Us on Facebook : https://www.facebook.com/Tupakidotcom/