పువ్వుల వైపు ఆక‌ర్ష ఎందుకో చెప్పిన రాశీ

రాశీ అందం గురించి వ‌ర్ణ‌న అవ‌స‌రం లేదు. ఆ అందానికి దాసోహం కా‌నిది ఎవ‌రు? విక‌సించిన పువ్వులా.. రెక్క‌లొచ్చిన ప‌క్షిలా ఎంతో స్వేచ్ఛ‌ను ఆస్వాధిస్తున్న రాశీ ఫోటోగ్రాఫ్ ప్ర‌స్తుతం ఇన్ స్టా వేదిక‌గా ఎంతో ఆక‌ర్ష‌ణ‌గా మారింది.

``బహుశా మనం పువ్వుల వైపు ఆకర్షించబడటానికి కారణం వాటి బాహ్య సౌందర్యం వల్లనే కాదు.. చాలా కాలం వేచి ఉన్న తరువాత మాత్రమే మేము వికసిస్తామ‌ని అవి మనకు గుర్తు చేస్తాయి`` అన్న మోర్గాన్ హార్పర్ సూక్తిని షేర్ చేసి.. విశ్వాసం కలిగి ఉండండి! అంటూ సాటి ఆర్టిస్టుల‌కు న‌మ్మ‌కాన్ని నూరి పోస్తోంది. ఆ కాన్సెప్ట్ కి త‌గ్గ‌ట్టే త‌న ఫోటోషూట్ ఆసక్తిని క‌లిగిస్తోంది. రాశీ ఎంతో కాలం వేచి చూస్తే కానీ త‌న‌కు ఈ స్థాయి రాలేద‌న్న నిజాన్ని నిర్భీతిగా ఒప్పుకుంది ఈ క్యాప్ష‌న్ తో.

ఇక రాశీ కెరీర్ మ్యాట‌ర్ కి వ‌స్తే.. హిందీ ప‌రిశ్ర‌మ‌లో ది ఫ్యామిలీ మ్యాన్ సృష్టికర్తలు రాజ్ అండ్ డికె ద‌ర్శ‌క‌త్వంలోని ఒరిజినల్ వెబ్ సిరీస్ కి సంతకం చేసింది. ఇందులో బాలీవుడ్ హీరో షాహిద్ కపూర్ హీరో. షాహిద్ తో క‌లిసి ప్ర‌స్తుతం షూటింగ్ లో పాల్గొంటున్న రాశీ బిజీగా ఉంది.

మ‌రోవైపు రాశి తమిళంలో ప‌లు ప్రాజెక్టులతో బిజీగా ఉంది. తమిళ హీరో విజయ్ సేతుపతి తోనూ న‌టిస్తోంది. ఇవ‌న్నీ ఈ కొత్త సంవ‌త్సరంలో రాశీ కెరీర్ ని ప‌రుగులు పెట్టిస్తాయ‌ని భావిద్దాం.