'మిస్సెస్ అండర్ కవర్' అంటూ స్టార్ హీరోయిన్ కొత్తమూవీ..!

యాక్ట్రెస్ రాధికా ఆప్టే.. గురించి తెలుగు సినీ ప్రేక్షకులకు పెద్దగా పరిచయం అవసరం లేదు. ఎందుకంటే ఇదివరకే తెలుగులో పలు సినిమాలు చేసి ప్రేక్షకులకు దగ్గరైంది. ముఖ్యంగా నటసింహం బాలకృష్ణ సరసన నటించిన లెజెండ్ సినిమాతో మంచి క్రేజ్ సంపాదించుకుంది. నిజానికి రాధికా భాషాబేధం లేకుండా సినిమాలు చేసుకుంటూ పోతుంది. రాధికా ఇటు సౌత్ సినిమాలు అటు బాలీవుడ్ సినిమాలు చేస్తూ తన టాలెంట్ ప్రూవ్ చేసుకుంటోంది. కానీ ఎక్కువగా హిందీ సినిమాల్లోనే కనిపిచింది. సినిమాకోసం ఎలాంటి రిస్క్ చేయడానికైనా సిద్ధంగా ఉండే హీరోయిన్లలో రాధికా ఒకటి. ఎందుకంటే సినిమాకోసం ఇదివరకు టాప్ లెస్ సీన్స్, నగ్న సన్నివేశాలలో కూడా నటించింది. ఇదిలా ఉండగా.. తాజాగా హోలీ సందర్బంగా తన కొత్త సినిమాను అనౌన్స్ చేసింది రాధికా.

సస్పెన్సు థ్రిల్లర్ జానర్ లో తెరకెక్కనున్న ఈ సినిమాకు 'మిసెస్ అండర్ కవర్' అనే పేరును ఖరారు చేసింది చిత్రబృందం. అలాగే ఈ సినిమా ఫస్ట్ లుక్ కూడా విడుదల చేశారు. రాధికా టైటిల్ రోల్ పోషిస్తున్న ఈ సినిమాను బాలీవుడ్ లేడీ ప్రొడ్యూసర్, రైటర్.. అనుశ్రీ మెహతా దర్శకురాలిగా డెబ్యూ చేయబోతుంది. అయితే పోస్టర్ చూసినట్లయితే.. ఓ మహిళ తన చేతిలో గన్ పట్టుకొని చీరలో దాచడం గమనించవచ్చు.  ఆసక్తిరేపుతున్న మిసెస్ అండర్ కవర్.. మూవీ స్టోరీ కలకత్తా నేపథ్యంలో సాగనుందని సమాచారం. అలాగే ఈ సినిమాలో రాధికా ఇల్లాలిగా ఉంటూనే అండర్ కవర్ బాధ్యతలు నిర్వహించనుందని టాక్. అయితే రాధికా చివరిసారిగా 'రాత్ అకేలి హై' సినిమాలో కనిపించింది. చాలా గ్యాప్ తర్వాత 'మిసెస్ అండర్ కవర్' స్క్రిప్ట్ ఓకే చేసింది. ప్రస్తుతం ఈ సినిమా పై ఆశలు బాగానే పెట్టుకుందట. చూడాలి మరి రాధికా కెరీర్ ఎటు మలుపు తిరుగుతుందో..!