లారెన్స్ కూడా సాంగ్ సింగాడ‌ట‌గా!

ఇప్ప‌టికే ఆల్‌ రౌండ‌ర్‌ ని అని ప్రూవ్ చేసుకున్నాడు లారెన్స్‌. డ్యాన్స‌ర్‌ గా ఇండ‌స్ట్రీలోకి అడుగుపెట్టిన ఆయ‌న ఆ త‌ర్వాత మాస్ట‌ర్ అయ్యాడు. ప‌లువురు స్టార్ కథానాయ‌కుల‌తో అదిరిపోయే స్టెప్పులేయించాడు. అంత‌టితో ఆగ‌కుండా ద‌ర్శ‌కుడిగా ప్ర‌మోష‌న్ పొందాడు. ప్రొడ్యూస‌ర్‌ గా మారాడు. ఇలా ఒక‌టేమిటి? ఇంకా బోలెడు ప‌నులు చేస్తున్నాడు. తాజాగా ఆయ‌న మ‌రో విష‌యంలోనూ  ప్ర‌తిభ చాటేందుకు సిద్ధ‌మ‌య్యాడు.  ఈసారి సింగ‌ర్ అవ‌తార‌మెత్తాడు. ఆట‌తో పాటు పాట కూడా త‌న‌దేన‌న్న‌మాట‌.  లారెన్స్ త‌న సొంత పాట‌కి సొంతంగా స్టెప్పులేసుకొంటూ దుమ్మురేపుతాడ‌న్న‌మాట. ఇంత‌కీ ఉన్న‌ట్టుండి లారెన్స్‌ కి డ్యాన్స్‌ పై మ‌న‌సెలా వెళ్లిందంటారా? అక్క‌డికే వ‌స్తున్నాం...

తాజాగా లారెన్స్ త‌మిళంలో మొట్ట శివ కెట్ట శివ అనే సినిమా చేస్తున్నాడు. అందులో లోక‌ల్ మాస్‌... అంటూ ఊపొచ్చే ఓ మంచి పాట ఉంద‌ట‌. అందులో స్టెప్పులు అదిరిపోయేలా ఉంటాయ‌ట‌. ఆ స్టెప్పుకీ - బాణీకి త‌గ్గ‌ట్టుగా పాట కూడా మాంచి సౌండ్‌ తో...  ఊపుమీద ఉండాల‌ట‌.  అందుకే ఆ బాధ్య‌త కూడా తానే తీసుకోవాల‌ని లారెన్స్ డిసైడైయిన‌ట్టు తెలిసింది.  అయినా మాస్ పాటంటే లారెన్స్‌ కి పూన‌కం వ‌చ్చేస్తుంది. త‌న‌వైన  స్టెప్పుల‌తో అద‌ర‌గొడుతుంటాడు. అలాంటి పాట‌ని సొంతంగా పాడితే అదెలా ఉంటుందో అర్థం చేసుకోవ‌చ్చు.  ఈ చిత్రంలో లారెన్స్ సరసన నిక్కీ గల్రానీ కథానాయికగా నటిస్తోంది.