‘శమంతకమణి’లో మహేష్ బాబు

ఆగండాగండి.. ఎంత బావను ప్రమోట్ చేయడం మహేష్ బాబు బాధ్యతే అయినప్పటికీ ఏకంగా సుధీర్ బాబు సినిమాలో అతిథి పాత్ర చేసేస్తాడా అని ఆశ్చర్య పోకండి. ఈ సినిమాలో మహేష్ బాబు ఉండడు. ‘మహేష్ బాబు’ పేరు మాత్రమే ఉంటుంది. ఆ పేరుతో ఒక క్యారెక్టర్ డిజైన్ చేశాడు దర్శకుడు శ్రీరామ్ ఆదిత్య. ఆ పాత్రను పోషించబోయేది సీనియర్ నటుడు రాజేంద్ర ప్రసాద్ కావడం విశేషం. ఈ పాత్ర ప్రి లుక్ ను లేటెస్టుగా లాంచ్ చేశారు. రాజేంద్రుడిని వెనుక నుంచి చూపిస్తూ పోస్టర్ డిజైన్ చేశారు. మహేష్ బాబు అనే పేరుతో రాజేంద్ర ప్రసాద్ క్యారెక్టర్ అనగానే ఒక రకమైన క్యూరియాసిటీ కలగడం సహజం. మరి ప్రిన్స్ పేరు పెట్టుకుని ఈ సీనియర్ నటుడు ఎలా సందడి చేస్తాడో చూడాలి.

రాజేంద్ర ప్రసాద్ ది క్యారెక్టర్ రోలేమీ కాదంటోంది చిత్ర బృందం. ఆయన్ని సినిమాలో ఐదో హీరోగా ప్రకటించారు. అంటూ రాజేంద్రుడు ఫుల్ లెంగ్త్ రోల్ చేస్తున్నట్లే అన్నమాట. సెకండ్ ఇన్నింగ్స్ లో క్యారెక్టర్ ఆర్టిస్టుగా దూసుకెళ్తున్న రాజేంద్ర ప్రసాద్.. హీరోగా ఎలాంటి ముద్ర వేస్తాడో చూడాలి. ‘శమంతకమణి’ మొదట్నుంచి డిఫరెంటుగా ప్రమోట్ చేస్తూ ఆసక్తి రేకెత్తిస్తోంది చిత్ర బృందం. ఆ కోవలోనే లేటెస్ట్ పోస్టర్ కూడా ఆసక్తి రేకెత్తించేలా ఉంది. ఇంకో రెండు మూడు రోజుల్లోనే ‘శమంతకమణి’ ఆడియో విడుదల కానుంది. ఈ చిత్రంలో నారా రోహిత్.. సుధీర్ బాబు.. ఆది.. సందీప్ కిషన్ కీలక పాత్రలు పోషిస్తున్న సంగతి తెలిసిందే. ఇంకా లేడీ క్యారెక్టర్లేంటన్నది రివీల్ కాలేదు. ‘భవ్య క్రియేషన్స్’ బేనర్ మీద ఆనంద్ ప్రసాద్ ఈ చిత్రాన్ని నిర్మిస్తున్నాడు.

Like Us on Facebook : https://www.facebook.com/Tupakidotcom/