నవ్వించే రాజేంద్రుడు ఒదిగిపోతాడట

నటకిరీటి రాజేంద్ర ప్రసాద్.. కామెడీని హీరోగా చేసి తను స్టార్ గా ఎదిగిన నటుడు. కాలంతో పాటు మారుతూ.. తన చేసే పాత్రలను మార్చుకుంటూ.. కేరక్టర్ కి తగ్గట్లుగా ఒదిగిపోతూ ప్రయాణం కొనసాగిస్తున్న రాజేంద్ర ప్రసాద్.. ఇప్పుడు ఇంట్లో దెయ్యం నాకేం భయం మూవీతో ప్రేక్షకుల ముందుకు వస్తున్నాడు.

'దెయ్యం ఉన్న ఇంటికి యజమానిగా ఈ సినిమాలో కనిపిస్తాను.  అయితే.. దెయ్యం నన్ను ఏడిపిస్తుందా.. నేను దెయ్యాన్ని భయపెడతానా అన్నది మూవీలోనే చూడండి' అంటూ ఊరిస్తున్న రాజేంద్ర ప్రసాద్.. కాలంతో పాటు మారుతున్న తన ప్రయాణంపై సంతోషంగా ఉందని చెబుతున్నాడు. 'కామెడీ హీరోగా చేసి మెప్పించాను. ఆ నలుగురు తర్వాత సీరియస్ పాత్రలు వరుసగా వచ్చాయి. ఇప్పుడు నాన్నకు ప్రేమతో.. శ్రీమంతుడు లాంటి చిత్రాల్లో కేరక్టర్ ఆర్టిస్ట్ గా నటించాను. దర్శక నిర్మాతలు సృష్టించిన పాత్రలతో మెప్పిస్తూ ప్రయాణం సాగిస్తున్నాను' అంటూ తన నటనా ప్రస్థానాన్ని వివరించారు రాజేంద్ర ప్రసాద్.

ఇప్పుడో ఇంగ్లీష్ మూవీ సీక్వెల్ లో నటించబోతున్నాడు నటికిరీటి. క్విక్ గన్ మురుగన్ అంటూ గతంలో తనే హీరోగా నటించిన ఇంగ్లీష్ మూవీకి సీక్వెల్ సిద్ధమవుతుండగా.. ఇందులో కూడా రాజేంద్ర ప్రసాద్ లీడ్ రోల్ పోషించనున్నాడు. శంశాక ఘోష్ ఈ మూవీని డైరెక్టర్ చేయనుండగా.. రాజేంద్ర ప్రసాద్ కెరీర్ లో ఇదో మైలురాయిగా నిలుస్తుందని దర్శక నిర్మాతలు చెబుతున్నారు.

Like Us on Facebook : https://www.facebook.com/Tupakidotcom/