రాజుగారి గ‌దా...? అదేంట‌బ్బా? అంటూ సంపూబాబు మొద‌లు వెంక‌టేష్‌ బాబు వ‌ర‌కు అంద‌రూ ఎవ‌రి స్టైల్‌ లో వాళ్లు డౌట్లు వ్య‌క్తం చేశారు. వాళ్ల కొశ్చ‌న్‌ మార్క్ ఫేసులు చూసి జ‌నాలు కూడా `రాజుగారి గ‌దా? ఏంటో చూడాలి` అంటూ ఆస‌క్తిగా ఎదురు చూశారు. చివ‌రాఖ‌రికి తెలిసిందేంటంటే... ఆ గ‌దిలో ఉన్న‌ది బొమ్మాళి అని. బొమ్మాళి క‌థ‌తోనే యాంక‌ర్ అన్న‌య్య ఓంకార్ ఓ సినిమా తెర‌కెక్కించాడ‌ని. వినాయ‌క చ‌వితిని పుర‌స్క‌రించుకొని గురువార‌మే ఆ సినిమా ట్రైల‌ర్‌ ని విడుద‌ల చేశారు. అందులో ఓంకార్ త‌మ్ముడు అశ్విన్ క‌థానాయ‌కుడిగా న‌టించాడు. ధ‌న్య‌భాల‌కృష్ణ‌న్ క‌థానాయిక‌గా నటించింది. ఈ సినిమాకి బుర్రా సాయిమాధ‌వ్ మాట‌లు రాశాడు.
తొలి చిత్రం `జీనియ‌స్‌` అంటూ ఓ ప‌క్కా యాక్ష‌న్ సినిమాని తీసి ప‌రాజ‌యాన్ని మూట‌గ‌ట్టుకొన్న ఓంకార్ ఇప్పుడు దెయ్యం క‌థ‌మీద దృష్టిపెట్టాడు. ఓ మ‌హ‌ల్ నేప‌థ్యంలో ఆ క‌థ సాగుతుంద‌న్న‌మాట. అందులోనే రాజుగారి గది, ఆ గ‌దిలోనే బొమ్మాళి ఉంటుంద‌ని ట్రైల‌ర్‌ నిబ‌ట్టి తెలుస్తోంది. మొద‌ట అస్స‌లేం భ‌యంకుడా ఆ త‌ర్వాత దెయ్యం విజృంభ‌ణ‌ని చూసి గ‌జ గ‌జ వ‌ణికిపోయే త‌ర‌హా పాత్ర‌ల్లో ధ‌న్‌ రాజ్ - స‌ప్త‌గిరి - ష‌క‌ల‌క శంక‌ర్‌ లాంటి వాళ్లు న‌టించార‌ని అర్థ‌మ‌వుతోంది. ప‌క్కా హార్ర‌ర్ ఫార్ములాతో తెర‌కెక్కిన ఈ చిత్రమైనా ఓంకార్ అన్న‌య్య‌కి హిట్టిస్తుందో లేదో చూడాలి.