మీటర్ లో రకుల్ మ్యాటర్ పెరుగుతోంది

కన్నడలో అరంగేట్రం, కోలీవుడ్ లో ప్రయత్నం.. ఆ తర్వాత టాలీవుడ్ లో జెండా పాతేయడం.. సింపుల్ గా చెబితే పంజాబీ బ్యూటీ రకుల్ ప్రీత్ సింగ్ కెరీర్ సాగిన వైనం ఇది. స్టార్ హీరోయిన్ అనిపించుకునేందుకు అన్నీ అర్హతలు ఉన్న లేటెస్ట్ జనరేషన్ సొగసరి. ఇన్నేళ్లూ కెరీర్ లో ఒక బ్లాక్ బస్టర్ లేదు అనే ఫీలింగ్.. అమ్మడిలో ఒకే ఒకే కొరత. దాన్ని కూడా రీసెంట్ గా సరైనోడుతో బన్నీ తీర్చేశాడు. అందుకే ఇప్పుడు తనకు తిరుగులేదు అనే నమ్మకం రకుల్ కి కూడా వచ్చేసింది. ఆ ఫీలింగ్ ఈ బ్యూటీ కళ్లలోనే స్పష్టంగా కనిపిస్తోంది.

రీసెంట్ గా జరిగిన సినీ'మా' అవార్డుల ఫంక్షన్ కు అదిరిపోయే గెటప్ తో వచ్చేసింది రకుల్ ప్రీత్ సింగ్. తన స్కిన్ టోన్ కి ఎగ్జాక్ట్ మ్యాచ్ అయ్యేలా శారీ ఒకటి కట్టుకుని వచ్చేసిందీ భామ. చీరంతా డాటెడ్ డిజైనిగ్.. దీనికి తోడు వన్ సైట్ స్లీవ్ లెస్ జాకెట్ ఒకటి. బాడీలో కాసింత కండ తక్కువైంది కానీ.. లేకపోతే ఏ టాప్ ఎండ్ మోడల్ కి తీసిపోయేది కాదు. అందాల డోస్ కు మించి అమ్మడి ఫేస్ లో కనిపిస్తున్న కాన్ఫిడెన్స్ లెవెల్స్ కు ఎవరైనా సలాం అనాల్సిందే.

ప్రస్తుతం రకుల్ ప్రీత్ సింగ్ చేతిలో మూడు తెలుగు సినిమాలుంటగా.. చెర్రీ ధృవతో సహా అన్నీ మెగా కాంపౌండ్ మూవీసే. ఇవి కాక హిందీలో ఒక సినిమా రిలీజ్ కు రెడీగా ఉండగా.. కోలీవుడ్ లో విశాల్ తో ఓ సినిమాను స్టార్ట్ చేయనుంది. తెలుగులో సత్తా చాటుతూనే.. ఇతర భాషల్లోనూ ఎఫర్ట్ బాగానే పెడుతోంది. మొత్తంమీద సినిమాల కౌంటింగ్ మీటర్ తో పాటు.. తన ట్యాలెంట్ లో మ్యాటర్ ని కూడా బాగానే పెంచుతోంది రకుల్ ప్రీత్ సింగ్.