ధృవ ట్రాక్ లిస్ట్.. నాలుగు పాటలే

మెగా పవర్ స్టార్ లేటెస్ట్ మూవీ ధృవ.. అన్ని హంగులు పూర్తి చేసుకుంటోంది. షూటింగ్ ప్రారంభం నుంచి విపరీతమైన క్రేజ్ తెచ్చుకున్న ఈ మూవీకి.. డిసెంబర్ 9న ఆడియో రిలీజ్ చేయబోతున్నట్లు ఇప్పటికే ప్రకటించేశారు నిర్మాత. ఇప్పుడు ధృవలో పాటల ట్రాక్ లిస్ట్ ను.. ఆడియో అందిస్తున్న ఆదిత్య మ్యూజిక్ అఫీషియల్ గా అనౌన్స్ చేసింది.

ముందు నుంచి అనుకున్నట్లుగానే.. ధృవ పాటల విషయంలో కోత పడింది. కేవలం 4 పాటలు మాత్రమే సినిమాలో ఉండనున్నాయి. తని ఒరువన్ లో ఐదు ట్రాక్స్ ఉన్నా.. తెలుగులో మాత్రం ఈ సంఖ్యను 4కు పరిమితం చేసేయడం చెప్పుకోవాలి. మొదటి పాటగా ధృవ టైటిల్ సాంగ్ వినిపించనుంది. 'ధృవ.. ధృవ' అంటూ సాగే పాటను అమిత్ మిశ్రా పాడగా.. 'చూశా చూశా' అంటూ సాగే సాంగ్ ను పద్మలత - స్నిగ్గీ పాడారు. 'నీతోనే డ్యాన్స్' అనే పాటను మ్యూజిక్ డైరెక్టర్ హిప్ హాప్ తమీజా-నికితా గాంధీలు కలిసి పాడారు. ఈ మూడు పాటలకు చంద్రబోస్ సాహిత్యం అందించారు.
 
'పరేశానురా' అంటూ సాగే పాటను పద్మలత పాడగా యాదగిరి రాశారు. కోలీవుడ్ లో అనతి కాలంలోనే విపరీతంగా పాపులర్ అయిన హిప్ హాప్ తమీజా.. టాలీవుడ్ లో తొలిసారిగా మ్యూజిక్ ఇస్తుండడంతో.. ధృవ ఆడియోపై ఎక్స్ పెక్టేషన్స్ హై రేంజ్ లో ఉండగా.. దీనికి ఏ మాత్రం తగ్గకుండా మ్యూజిక్ ఇచ్చినట్లు.. రీసెంట్ గా రిలీజ్ చేసిన నీతోనే డ్యాన్స్ సాంగ్ ప్రోమో ప్రూవ్ చేస్తోంది.

Like Us on Facebook : https://www.facebook.com/Tupakidotcom/