కరోనాను జయించి చిలుకతో ఆడుకున్న స్టార్ హీరో ఫోటో వైరల్!!

దర్శకధీరుడు రాజమౌళి తెరకెక్కిస్తున్న ప్రతిష్టాత్మక చిత్రం రౌద్రంరణంరుధిరం. పాన్ ఇండియా మూవీగా రూపొందుతున్న ఈ సినిమాలో మెగాపవర్ స్టార్ రాంచరణ్, యంగ్ టైగర్ ఎన్టీఆర్ ప్రధాన పాత్రలు పోషిస్తున్నారు. చారిత్రాత్మక నేపథ్యంలో తెరకెక్కుతున్న ఈ చిత్రంలో ఎన్టీఆర్ కొమరం భీమ్ పాత్రలో నటిస్తుండగా, రాంచరణ్ అల్లూరి సీతారామరాజు పాత్రలో కనిపించనున్నాడు. ఇక ఈ సినిమాలో చరణ్‌కు జోడీగా బాలీవుడ్ భామ అలియా భట్ నటిస్తోంది. ప్రస్తుతం శరవేగంగా షూటింగ్ కు జరుపుకుంటున్న ఈ సినిమా రాంచరణ్ కు కరోనా పాజిటివ్ రావడంతో కాస్త బ్రేక్ పడింది. అయితే ఆర్ఆర్ఆర్ సినిమా షూటింగ్ త్వరగా ముగించుకొని a వెంటనే మెగాస్టార్ చిరంజీవి నటిస్తున్న ఆచార్య షూటింగులో పాల్గొనాల్సి ఉంది చరణ్.

తాజాగా రాంచరణ్ కరోనా బారినుండి బయటపడ్డాడు. గత నెలలో కరోనా బారినపడిన రాంచరణ్ వెంటనే హోమ్ క్వారంటైన్‌లో ఉండి ప్రత్యేక శ్రద్ధ తీసుకోవడంతో కోలుకున్నాడు. రాజమౌలి డైరెక్ట్ చేస్తోన్న ఆర్ఆర్ఆర్ షూటింగ్ కొత్త షెడ్యూల్ ప్రారంభం కాగానే రాంచరణ్ ఆ షూట్‌లో పాల్గొననున్నాడు. ఇదిలా ఉండగా.. ప్రస్తుతం రాంచరణ్ పిక్ ఒకటి సోషల్ మీడియాలో వైరల్ అవుతోంది. అదికూడా సోలోగా ఉన్న పిక్ కాదు. రాంచరణ్ తన భుజాలమీద ఒక గెస్ట్ కి చోటిచ్చాడు. ఫోటోలో రాంచరణ్ తన మీసాలతో నవ్వుతూ ఎంజాయ్ చేస్తున్నట్లు కనిపిస్తున్నాడు. తన భుజాల మీద రామచిలుక వాలడంతో చరణ్ ఎంజాయ్ చేస్తూ కనిపించాడు. చూస్తుంటే తను పూర్తి ఆరోగ్యంగా ఉన్నాడని అనిపిస్తుంది. మొత్తానికి చిలుకతో చరణ్ ఆడుకున్న తీరు మెగా ఫ్యాన్స్ ని బాగా ఆకట్టుకుంటోంది. ఇదిలా ఉండగా రాంచరణ్ త్వరలోనే తమిళ డైరెక్టర్ లోకేష్ కనగరాజ్ తో సినిమా చేసే అవకాశం ఉన్నట్లు వార్తలు వినిపిస్తున్నాయి. చూడాలి మరి ఏదైనా గుడ్ న్యూస్ చెబుతాడేమో!