చెర్రీ ముందే అర్జున్ రెడ్డి అంటావా?

నంబ‌ర్-1 యారీ హోస్ట్ గా రానా బుల్లితెర కార్య‌క్ర‌మాన్ని ప‌రుగులు పెట్టిస్తున్న సంగ‌తి తెలిసిందే. బాలీవుడ్ లో క‌ర‌ణ్ జోహార్ ఎంత ఫేమ‌స్ అయ్యారో, టాలీవుడ్ వ‌ర‌కూ రానా అంతే గొప్ప‌గా ఫేమ‌స్ అవుతున్నాడు. అస‌లు ఎవ‌రు చూస్తారులే అనుకునే రేంజు నుంచి, ఎవ‌రు చూడ‌రు? అనే రేంజుకి రానా ఈ షోని తీసుకెళుతున్నాడు. అత‌డి గ‌ట్స్ కి ఓ ర‌కంగా మెచ్చుకుని తీరాలి. రానా పిల‌వ‌గానే ఇండ‌స్ట్రీ బెస్ట్ స్టార్లు అంతా వ‌చ్చి నంబ‌ర్- 1 యారీ కార్య‌క్ర‌మంలో సంద‌డి చేసి వెళుతున్నారు. రొటీన్ చెత్త జోకుల కార్య‌క్ర‌మాల కంటే ఇది కాస్త ఆహ్లాద‌క‌రంగా సాగుతుండ‌డంతో సెల‌బ్రిటీ షోని చూసేందుకు ఆడియెన్ ఇష్ట‌ప‌డుతున్నారు.

గ‌త వారం `ఎన్టీఆర్ -క‌థానాయ‌కుడు` గురించి నంద‌మూరి బాల‌కృష్ణ‌తో లైవ్ చాట్ షోని రంజింప‌జేశాడు రానా. ఈ షోలో బాల‌య్య ఏ భేష‌జం లేకుండా బాగానే మాట్లాడారు. రానాతో న‌వ‌యువ‌కుడిలా క‌లిసిపోయి బాల‌య్య స‌ర‌దా స‌ర‌దాగా కానిచ్చేశారు. అలాగే ఈసారి రామ్ చ‌ర‌ణ్ ఎపిసోడ్ లైవ్ కానుంది. రానా - రామ్ చ‌ర‌ణ్ ఇద్ద‌రూ చిన్న నాటి స్నేహితులు కాబ‌ట్టి, కార్య‌క్ర‌మం అంతా అరేయ్‌.. ఒరేయ్‌! అన్న‌ట్టుగానే ఎంతో ఫ్రెండ్లీగా సాగింది. ఆ ఇద్ద‌రూ ర‌క‌ర‌కాల విష‌యాల్ని గుర్తు చేసుకుని న‌వ్వులు చిందిస్తూ షోని ర‌న్ చేశారు.

ఆ ఇద్ద‌రితో పాటే వేరొక గెస్ట్ ఈ షోలో అల‌రించ‌నుంది. రామ్ చ‌ర‌ణ్ - కియ‌రా జంట తో రానా చాలాసేపు ముచ్చ‌ట్లు సాగించారు. ఇక రానా అడిగిన ఓ ప్ర‌శ్న‌కు కియ‌రా దిమ్మ‌తిరిగిపోయే ఆన్స‌ర్ ఇచ్చింది. చ‌ర‌ణ్ మైమ్ మిమిక్రీ చేస్తూ కియ‌రాకి ఓ హింటిచ్చారు. అందులో ఉన్న హీరో ఎవ‌రు? అంటే చెర్రీ ముందే `అర్జున్ రెడ్డి` అంటూ త‌ముడుకోకుండా చెప్పి కిల‌కిలా న‌వ్వేసింది. దానికి రానా కొట్రా..! అంటూ చాలానే సంద‌డి చేశాడు. కియ‌రాకు బాగా న‌చ్చిన సినిమా అర్జున్ రెడ్డి.. బాలీవుడ్ అర్జున్ రెడ్డిలోనూ త‌నే నాయిక‌.. అందుకే ఈ కామెడీ. ఇక చెర్రీని స్కూల్, కాలేజ్ డేస్ గురించి రానా అడిగాడు. ఎన్ని కాలేజ్‌లు అని చెప్పాలిరా? అని అంటూ న‌వ్వులే న‌వ్వులు. ``నువ్వు ఒక రూమ‌ర్ స్ప్రెడ్ చేయాలంటే ఏం స్ప్రెడ్ చేస్తావ్?`` అంటూ ప్ర‌శ్నిస్తే.. ``నేను చాలా మంచోడిని..`` అని అన్నాడు చెర్రీ. దానికి కియ‌రా మాట్లాడుతూ .. అత‌డు ఫుల్ బ‌ద్మాష్ అని రియ‌లైజ‌య్యా.. ! అంటూ పెద్ద షాక్ నే ఇచ్చింది. మొత్తానికి విధేయ రాముడి షో అదిరిపోయింది.