ఏ వివాదం లేకుంటే రామ్ గోపాల్ వ‌ర్మ‌కు ఊసు పోదు క‌దా. అందుకే మ‌ళ్లీ నిప్పు రాజేయ‌డానికి రెడీ అవుతున్నాడు. గ‌తంలో ప‌రిటాల ర‌వి జీవిత క‌థ‌తో ర‌క్త చ‌రిత్ర సినిమా తీసి ఎంత సంచ‌ల‌నం రేపాడో.. ఇప్పుడు వీర‌ప్ప‌న్ ను చంపిన ఆప‌రేష‌న్ నేపథ్యంలో కిల్లింగ్ వీర‌ప్ప‌న్ సినిమా తీసి ఎలాంటి ప్ర‌కంప‌న‌లు రేపుతున్నాడో తెలిసిందే.వీటితో ముడిప‌డ్డ వివాదాలు ఆ సినిమాల‌కు ఎంతో మేలు చేశాయి. ఐతే ఈ రెండింటి కంటే కూడా ఎక్కువ సెన్సేష‌న్ క్రియేట్ చేసే సినిమా ఒక‌టి తీయ‌డానికి రెడీ అవుతున్నాడు వ‌ర్మ ఇప్పుడు. ఆ సినిమా పేరు.. వంగ‌వీటి.
వంగ‌వీటి అన‌గానే ఇక చెప్పేదేముంది.. అది బెజ‌వాడ రౌడీ రాజ‌కీయాల నేపథ్యంలో సాగే సినిమా అని ప్ర‌త్యేకంగా చెప్పాల్సిన ప‌నేం లేదు.ఆల్రెడీ బెజ‌వాడ పేరుతో త‌న నిర్మాణంలో ఓ సినిమా తీసి.. వివాదం రాజేశాడు వ‌ర్మ. ఐతే ఇప్పుడు నేరుగా వంగ‌వీటి ఫ్యామిలీనే టార్గెట్ చేశాడు. వంగ‌వీటి రాధాతో మొద‌లుపెట్టి వంగ‌వీటి రంగా వ‌ర‌కు సాగిన బెజ‌వాడ రౌడీ రాజ‌కీయం సాగిన తీరును చూపిస్తూ వంగ‌వీటి పేరుతో సినిమా తీయ‌బోతున్న‌ట్లు ఈ రోజు ట్విట్ట‌ర్లో ప్ర‌క‌టించాడు వ‌ర్మ. ఇంత‌కుముందు పేర్లేమీ ప్ర‌స్తావించ‌కుండా బెజ‌వాడ సినిమా తీసినందుకే బెజ‌వాడ రాజ‌కీయ నాయ‌కుల నుంచి బెదిరింపులు ఎదుర్కొన్నాడు వ‌ర్మ. మ‌రి ఇప్పుడు అనేక వివాదాల‌తో ముడిప‌డ్డ వంగ‌వీటి కుటుంబ స‌భ్యుల హ‌త్య‌ల నేపథ్యంలో సినిమా అంటే ఎంత పెద్ద వివాదం అవుతుందో ప్ర‌త్యేకంగా చెప్పాల్సిన ప‌ని లేదు. మ‌రి వ‌ర్మ ప్ర‌క‌ట‌న మీద ఎలాంటి రెస్పాన్స్ వ‌స్తుందో చూడాలి.
వంగ‌వీటి అన‌గానే ఇక చెప్పేదేముంది.. అది బెజ‌వాడ రౌడీ రాజ‌కీయాల నేపథ్యంలో సాగే సినిమా అని ప్ర‌త్యేకంగా చెప్పాల్సిన ప‌నేం లేదు.ఆల్రెడీ బెజ‌వాడ పేరుతో త‌న నిర్మాణంలో ఓ సినిమా తీసి.. వివాదం రాజేశాడు వ‌ర్మ. ఐతే ఇప్పుడు నేరుగా వంగ‌వీటి ఫ్యామిలీనే టార్గెట్ చేశాడు. వంగ‌వీటి రాధాతో మొద‌లుపెట్టి వంగ‌వీటి రంగా వ‌ర‌కు సాగిన బెజ‌వాడ రౌడీ రాజ‌కీయం సాగిన తీరును చూపిస్తూ వంగ‌వీటి పేరుతో సినిమా తీయ‌బోతున్న‌ట్లు ఈ రోజు ట్విట్ట‌ర్లో ప్ర‌క‌టించాడు వ‌ర్మ. ఇంత‌కుముందు పేర్లేమీ ప్ర‌స్తావించ‌కుండా బెజ‌వాడ సినిమా తీసినందుకే బెజ‌వాడ రాజ‌కీయ నాయ‌కుల నుంచి బెదిరింపులు ఎదుర్కొన్నాడు వ‌ర్మ. మ‌రి ఇప్పుడు అనేక వివాదాల‌తో ముడిప‌డ్డ వంగ‌వీటి కుటుంబ స‌భ్యుల హ‌త్య‌ల నేపథ్యంలో సినిమా అంటే ఎంత పెద్ద వివాదం అవుతుందో ప్ర‌త్యేకంగా చెప్పాల్సిన ప‌ని లేదు. మ‌రి వ‌ర్మ ప్ర‌క‌ట‌న మీద ఎలాంటి రెస్పాన్స్ వ‌స్తుందో చూడాలి.