ఆయ‌న అందుకే మూవ్ అవ్వ‌డం లేదా?

టాలీవుడ్ లో ఓ సీనియ‌ర్ స్టార్ హీరో ఓ ఫేమ‌స్ డైరెక్ట‌ర్ తో సినిమా చేస్తున్న‌ట్లు ప్ర‌క‌టించి ఏడాది దాటింది. కానీ ఇంత‌వ‌ర‌కూ అది ప‌ట్టాలెక్క‌లేదు. ఆ డైరెక్ట‌ర్ ఇంత‌వ‌ర‌కూ వేర్వేరు హీరోల‌తో సినిమాలు చేస్తూ బిజీగా ఉండ‌టంతో సాధ్య‌ప‌డ‌లేదు. అయితే 2025 లోనైనా అందుకు ఛాన్స్ ఉందా? అదీ లేదు. ఇప్ప‌టికే ఆ నయా డైరెక్ట‌ర్ మ‌రోక‌రితో సినిమా క‌మిట్ అయ్యాడు. ఇక ఆ సీనియ‌ర్ హీరో క‌మిట్ అయిన ఓ ప్రాజెక్ట్ ఆన్ సెట్స్ లో ఉంది.

మ‌రో సినిమా ప‌ట్టాలెక్కించ‌డానికి రెడీగా ఉన్నారు. కానీ దానికి ద‌ర్శ‌కుడు సెట్ అవ్వ‌డం లేదు. మ‌రి ఆ సీనియ‌ర్ ఛాన్స్ ఇచ్చినా? ఆ డైరెక్ట‌ర్ ఎందుకు మూవ్ అవ్వ‌డం లేదు? అంటే తాజాగా ఓ విష‌యం వెలుగులోకి వ‌చ్చింది. స‌ద‌రు సీనియ‌ర్ క‌థ‌లో వేలు పెడ‌తారనే ఆరోప‌ణ‌లు చాలా కాలంగా ఉన్నాయి. సీనియ‌ర్ హీరోలు ద‌ర్శ‌క‌, ర‌చ‌యిత‌ల వ‌ద్ద ఆ మాత్రం చొర‌వ తీసుకోవ‌డం స‌హ‌జ‌మే. అయితే అది క‌థ‌ని ఎంత‌గా డిస్ట‌బెన్స్ కి గురి చేస్తుంది? అన్న‌డానికి ఆ మ‌ధ్య భారీ అంచ‌నాల మ‌ధ్య రిలీజ్ అయి ఓ డిజాస్ట‌ర్ అయిన చిత్రాన్ని ఉదాహ‌ర‌ణగా చెబుతున్నారు.

స‌రిగ్గా ఈ పాయింట్ ప‌ట్టుకునే ఆ ద‌ర్శ‌కుడు సీనియ‌ర్ తో ముందుకెళ్లాలంటే కిందా మీదా ప‌డుతున్నాడుట‌. చేద్దామ‌ని క‌మిట్ అయితే ఇలాంటి ఓ స‌మస్య త‌లెత్తుంద‌నే అత‌డు మూవ్ అవ్వ‌డం లేద‌ని ప‌రిశ్ర‌మ వ‌ర్గాల్లో వినిపిస్తుంది. స‌ల‌హా ఇచ్చిన త‌ర్వాత తీసుకోక‌పోతే బాగోదు. అలాగ‌ని నో చెప్ప‌లేని ప‌రిస్థితి. ఈ సంశంలోనే ఆ న‌యా డైరెక్ట‌ర్ సీనియ‌ర్ తో సినిమా చేయాలంటే కాస్త జంకుతున్నాడ‌నే వార్త తెర‌పైకి వ‌స్తోంది.

ఉన్న ద‌ర్శ‌కుల్లో ఇత‌డో సీనియ‌ర్. ఇత‌డే ఇంత‌లా ఆలోచిస్తున్నాడు? అంటే న‌వ‌త‌రం ద‌ర్శ‌కులు ఆ సీనియ‌ర్ ముందుకెళ్ల‌డం మ‌రింత క‌ష్ట‌మే. ఎందుకంటే ఇప్ప‌టి జ‌న‌రేష‌న్ ద‌ర్శ‌కులంతా స్టోరీ ప‌రంగా ఎక్క‌డా రాజీ ప‌డ‌టం లేదు. త‌మ విజ‌న్ ని ప‌ర్పెక్ట్ గా ఎగ్జిక్యూట్ చేయాలంటే అందులో మ‌రొక‌రి ఇన్వాల్వ్ మెంట్ ఉండ‌టానికి ఏ మాత్రం ఇష్ట ప‌డ‌టం లేదు. స్వేచ్చ‌గా సినిమా చేసే అవ‌కాశం వ‌స్తే ముందుకెళ్తున్నారు త‌ప్ప‌? కెరీర్ విష‌యంలో మాత్రం రిస్క్ తీసుకోవ‌డం లేదు. మ‌రి ఇలాంటి ప‌రిస్థితుల్లో ఆ సీనియ‌ర్ కి ఏ ద‌ర్శ‌కుడు సెట్ అవుతాడో చూడాలి.