`హ‌లో`పై వ‌ర్మ షాకింగ్ కామెంట్స్!

మ‌నం సినిమాతో అక్కినేని కుటుంబానికి మ‌ర‌పురాని హిట్ ఇచ్చిన విక్ర‌మ్ కుమార్ కు అఖిల్ రెండో సినిమా `హ‌లో`బాధ్య‌త‌ల‌ను అప్ప‌జెప్పాడు నాగ్‌. ఇప్ప‌టి వ‌ర‌కు తాను డైరెక్ట్ చేసిన సినిమాలల‌లో ఏదో ఒక ప్ర‌త్యేక‌త ఉండేలా చూసే విక్ర‌మ్ కుమార్‌....ఈ సారి కూడా హ‌లో కోసం యాక్ష‌న్ జాన‌ర్ ను ఎంచుకున్న‌ట్లు క‌నిపిస్తోంది. తాజాగా, ‘హలో’ టీజర్ రిలీజ్ డేట్ వెల్లడిస్తూ రిలీజ్ చేసిన పోస్టర్ లో కూడా అఖిల్ గాల్లోనే దూసుకెళ్తున్నాడు. ఈ పోస్ట‌ర్ పై ప‌లువురు సెల‌బ్రిటీలు ప్ర‌శంసించిన సంగ‌తి తెలిసిందే. తాజాగా, ఈ పోస్ట‌ర్ పై వివాదాస్ప‌ద ద‌ర్శ‌కుడు రామ్ గోపాల్ వ‌ర్మ త‌న‌దైన శైలిలో స్పందించారు. ఆ పోస్ట‌ర్ పై ప్ర‌శంస‌లు కురిపిస్తూ వ‌ర్మ చేసిన పోస్టు సోష‌ల్ మీడియాలో వైర‌ల్ అయింది.

ఆ పోస్ట‌ర్ త‌న మ‌తి పోగొడుతోంద‌ని వ‌ర్మ త‌న ఫేస్ బుక్ ఖాతాలో ఒక పోస్ట్ చేశాడు. అంతేకాదు, అఖిల్ అక్కినేని కెరీర్ లో ఇదే అస‌లు సిస‌లు మొద‌టి సినిమా అవుతుంద‌ని వ‌ర్మ పోస్ట్ చేశాడు. వ‌ర్మ త‌న కామెంట్ల‌పై ప‌లువురు నెటిజన్లు విమ‌ర్శ‌లు గుప్పిస్తున్నారు. ఇది అఖిల్ అస‌లు సిస‌లు సినిమా అయితే.....మ‌రి త‌న మొద‌టి సినిమా `అఖిల్‌` సంగ‌తి ఏమిట‌ని ప్ర‌శ్నిస్తున్నారు. ఏ ఎండ‌కా గొడుగు ప‌ట్ట‌డం వ‌ర్మ‌కు అల‌వాటేన‌ని, నాగ్ తో సినిమా తీయ‌బోతున్న సంద‌ర్భంలో ఆయ‌న కొడుకు అఖిల్ ను కూడా ఆకాశానికెత్తేస్తున్నాడ‌ని వ‌ర్మ‌పై సెటైర్లు వేస్తున్నారు.

HELLO! This is a M****R F*****G MINDBLOWING POSTER