డిస్కోరాజా ఆగిపోలేదు - నిర్మాత రామ్ తాళ్లూరి

ర‌వితేజ అప్ కమింగ్ మూవీ డిస్కో రాజా పై వ‌స్తున్న వార్త‌ల్ని ఈ చిత్ర నిర్మాత రామ్ తాళ్లూరి ఖండించారు. మే 27 నుంచి రెండో షెడ్యూల్ మొద‌లుపెడుతున్న‌ట్లుగా చిత్ర యూనిట్ అధికారికంగా ప్ర‌క‌టించింది. ఈ రెండో షెడ్యూల్ షూటింగ్ కోసం కావాల‌నే ఎక్కువ గ్యాప్ తీసుకున్న‌ట్లుగా రామ్ తాళ్లూరి చెబుతున్నారు. ఈ గ్యాప్ లో రెండో షెడ్యూల్ షూట్ కోసం ప‌క్కా ప్లాన్ చేసుకున్న‌ట్లుగా తెలిపారు. డిస్కో రాజాను సైన్స్ ఫిక్ష‌న్ యాక్ష‌న్ ఎంట‌ర్ టైన‌ర్ గా రూపొందిస్తున్న నేప‌థ్యంలో, విజువ‌ల్ ఎఫెక్ట్స్ తో కూడిన స‌న్నివేశాలు కీల‌కంగా మార‌బోతున్నాయట‌ - ఈ స‌న్నివేశాల్ని రెండో షెడ్యూల్ నుంచి షూట్ చేసేందుకు ద‌ర్శ‌కుడు వి ఐ ఆనంద్ ప్లాన్ చేసుకున్నాడ‌ని - అందుకే సినిమా తొలి షెడ్యూల్ పూర్తి కాగానే రెండో షెడ్యూల్ మొదలుపెట్ట‌డానికి టైమ్ ప‌ట్టింద‌ని అంటున్నారు.

ఇక ఈ సినిమాతో క‌మ్ బ్యాక్ అయ్యేందుకు ర‌వితేజ కూడా ప్లాన్ చేసుకున్నాడు. ఒకే సారి రెండు మూడు సినిమాలు సెట్స్ పై ఉండేలా చూసుకునే ర‌వితేజ - ఇప్పుడు మాత్రం త‌న పూర్తి కాన్స‌న్ ట్రేష‌న్ డిస్కో రాజా పై పెట్టాడ‌ని తెలిసింది. క‌న‌క‌దుర్గ త‌దిత‌ర సినిమాలను తాత్కాలికంగా ఆపేశాడు ర‌వితేజ‌. డిస్కోరాజా షూటింగ్ పూర్తి అయ్యాకే త‌న త‌దుప‌రి సినిమాలకి వ‌ర్క్ చేయాల‌ని ర‌వితేజ డిసైడ్ అయిన‌ట్లుగా తెలిసింది. కెరీర్ లో తొలిసారిగా ఓ సైన్స్ ఫిక్ష‌న్ క‌థ‌లో న‌టిస్తుండ‌టంతో - డిస్కోరాజా విష‌యంలో ర‌వితేజ చాలా జాగ్ర‌త్త‌లు తీసుకుంటున్న‌ట్లుగా కనిపిస్తోంది. రెండు విభ‌న్న‌మైన గెటప్స్ లో ర‌వితేజ ఈ సినిమాలో కనిపించ‌నున్నాడ‌ని యూనిట్ స‌భ్యులు చెబుతున్నారు. ర‌వితేజ స‌ర‌స‌న ఈ సినిమాలో ముగ్గురు భామ‌లు న‌టించ‌నున్నారు. ఇప్ప‌టికే న‌భాన‌టేశ్ - పాయ‌ల్ రాజ‌పుత్ ఫ‌స్ట్ - సెకండ్ హీరోయిన్లుగా ఎంపిక‌వ్వ‌గా మూడో హీరోయిన్ వేట‌లో ప్ర‌స్తుతం డిస్కో రాజా టీమ్ ఉన్న‌ట్లుగా తెలిసింది. అలానే ఈ సినిమాలో సునీల్ ఓ కీల‌క పాత్ర పోషిస్తున్నాడు. మే 27 నుంచి జూన్ 21 వ‌రకు డిస్కో రాజా రెండ‌వ షెడ్యూల్ హైద‌రాబాద్ ప‌రిస‌ర ప్రాంత‌ల్లో జ‌ర‌గ‌నుంది.