ర‌వితేజ‌ ప్రమోషన్లు చేయట్లేదా??

రాజా ది గ్రేట్ సినిమాలో విజ‌యంతో మ‌ళ్లీ ట్రాక్ ఎక్కిన‌ట్టే క‌నిపించాడు ర‌వితేజ‌. అప్ప‌టివ‌ర‌కు వ‌రుస సినిమా ఫ్లాపుల‌తో కుదేలైపోయాడు పాపం బాబు. ఇప్పుడు ట‌చ్ చేసి చూడు సినిమా కూడా విడుద‌ల‌కు సిద్ధ‌మ‌వుతోంది. ఈ స‌మ‌యంలో ర‌వితేజ ప్ర‌వ‌ర్త‌న ఆ చిత్ర ద‌ర్శ‌క నిర్మాత‌ల‌కు చిరాకు తెప్పిస్తోందని రూమర్లు వినిపిస్తున్నాయి.

సినిమా విడుద‌ల‌వుతుందంటే... చిత్ర‌యూనిట్ అందులోనూ ముఖ్యంగా హీరో ఎలా ఉండాలి. వ‌రుస ఇంట‌ర్య్వూల‌తో - పేప‌ర్ల‌లో- టీవీల‌లో ఎక్క‌డ చూసినా తానే క‌నిపించాలి. అంతేనా సినిమా ప్ర‌మోష‌న్లలో బిజీగా ఉండాలి. కానీ ర‌వితేజ నిమ్మ‌కు నీరెత్తిన‌ట్టు క‌నిపిస్తున్నాడు. త‌న సినిమా కాకుండా, ప‌క్క హీరో సినిమా విడుద‌ల‌వుతున్న‌ట్టు అసలు ప్రమోషన్లే చేయట్లేదు. ఇంతేసి ఖ‌ర్చుపెట్టి - క‌ష్ట‌ప‌డి సినిమా తీసిన ద‌ర్శ‌క నిర్మాత‌లు ర‌వితేజ బిహేవియ‌ర్‌ తో విస్తుపోతున్నారని టాక్ వినిపిస్తోంది.

ర‌వితేజ‌కు సినిమాలంటే ఆస‌క్తి పోయి ఇలా ప్ర‌వ‌ర్తిస్తున్నాడా అన్న అనుమానాలు కూడా రాకపోలేదు. సినిమా విడుద‌ల‌కు ఇంకా వార‌మే ఉన్నా... ర‌వితేజ ఎక్క‌డా క‌నిపించ‌డం లేదు. మాస్ మ‌హారాజా క్రేజ్‌ ను క్యాష్ చేసుకుందామ‌నుకున్నా నిర్మాత‌కు... ఇవన్నీ కాస్త ఇబ్బందిగా ఉన్నట్లు పుకార్లు వినిపిస్తున్నా కూడా.. ఈరోజు ట్రైలర్ రిలీజ్ అయ్యాక రవితేజ తన ప్రమోషన్లను స్టార్ట్ చేస్తాడని మరో టాక్ వినిపిస్తోంది.

ట‌చ్ చేసి చూడు సినిమాకు న‌ల్ల‌మ‌లుపు బుజ్జి నిర్మాత‌గా ఉండ‌గా, విక్ర‌మ్ సిరికొండ ద‌ర్శ‌క‌త్వం వ‌హించారు. ఇప్ప‌టివ‌ర‌కు రైట‌ర్ గా ఉన్న విక్ర‌మ్ ఈ సినిమాతో ద‌ర్శ‌కుడిగా మార‌బోతున్నాడు.  హాట్ బ్యూటీలు సీర‌త్ క‌పూర్‌ - రాశి ఖ‌న్నా హీరోయిన్లు.