ఖైదీ దర్శకుడిని చెర్రీ పిలవలేదే??

టాలీవుడ్ ప్రేక్షకులకు దర్శకుడు కోదండరామిరెడ్డి గురించి పరిచయం చేయాల్సిన అవసరం లేదు. ఓ తరం వెనక స్టార్ డైరెక్టర్ అయిన ఈయన.. తన కెరీర్‌ లో చాలానే బ్లాక్ బస్టర్స్ అందించాడు. అంతకంటే ఎక్కువగా.. మెగాస్టార్ తో బోలెడన్ని హిట్ మూవీస్ తీసిన హిస్టరీ ఈయనకు ఉంది. చిరును ఖైదీ మూవీతో స్టార్ హీరో చేసిన క్రెడిట్ కూడా కోదండరామిరెడ్డిదే. కానీ ఇప్పుడు ఖైదీ నంబర్ 150 ప్రీ రిలీజ్ ఫంక్షన్ కు ఈయనను పిలవకపోవడం ఆశ్చర్యం కలిగిస్తోంది.

ఇందుకు కారణంగా.. తాజాగా జరిగిన ఓ సంఘటనను చూపిస్తున్నారు విమర్శకులు. చిరంజీవితో ఇప్పుడు సినిమా చేసే అవకాశం తనకు వస్తే మంచి కామెడీ మూవీ చేస్తానని.. అంతే తప్ప మెసేజ్ ఓరియెంటెడ్ మూవీ తీస్తే జనాలు నవ్వుతారని అన్నాడు కోదండరామిరెడ్డి వ్యాఖ్యానించడం వివాదం అయింది. అయితే.. చిరు సినిమాలను ఎంటర్టెయిన్మెంట్ యాంగిల్ లో చూడాలని ప్రజలు కోరుకుంటారని వివరణ ఈయన ఇచ్చాడు కానీ.. చెర్రీ సంతృప్తి చెందినట్లుగా కనిపించలేదట. అందుకే ఖైదీ నంబర్ 150 ఫంక్షన్ కు పిలవలేదని అంటున్నారు.

మెగా ఫ్యామిలీతో అంతగా పొసగని దాసరి నారాయణ రావును చీఫ్ గెస్ట్ గా ఆహ్వానించిన చరణ్.. ఖైదీ దర్శకుడిని వదిలేయడం అంటే.. ఉద్దేశ్యపూర్వకంగానే అనే కామెంట్స్ వినిపిస్తున్నాయి.

Like Us on Facebook : https://www.facebook.com/Tupakidotcom/