చల్లగా ఉండాలనే పవన్ కోసం సెట్

మాటల మాంత్రికుడు త్రివిక్రమ్ డైరక్షన్లో రాబోయే పవన్ కళ్యాణ్‌ సినిమా కోసం ఆల్రెడీ కసరత్తులు మొదలైన సంగతి తెలిసిందే. ఈ సినిమా కోసం ఇప్పుడు హైదరాబాదులో ఓ ఖరీదైన సెట్ వేస్తున్నారని ఆల్రెడీ చెప్పుకున్నాం. అయితే ఇదేమంత ఖరీదైనది కాదని.. కాకపోతే ఈ సెట్ వేయడం వెనుక ఒక స్పెషల్ ఉద్దేశ్యం ఉందని ఇప్పుడు యునిట్ సభ్యులు చెబుతున్నారు.

ఆర్ట్ డైరక్టర్ రవీందర్ ఏకంగా 5 కోట్లు పెట్టి ఈ సెట్ వేస్తున్నారని టాక్ వచ్చింది. కాని ఆ బడ్జెట్ వార్తలన్నీ తప్పేనని అంటున్నారు యునిట్ సభ్యులు. ''హైదరాబాద్ లో ఈసారి సమ్మర్ ఎంత వేడిగా ఉండబోతుందో మనకు తెలిసిందే. అందుకే బయట ఎక్కడైనా ఆఫీసులో షూట్ చూస్తే.. ఖచ్చితంగా చాలా వేడిగా ఉంటుంది. ఆర్టిస్టులూ టెక్నీషియన్లూ అందరూ ఇబ్బంది పడతారు. అందుకే ప్రత్యేకంగా ఎక్కడైనా ఏ/సి ఫ్లోర్లో సెట్ వేస్తే.. చాలా చల్లగా ఉంటుంది. అందుకే సెట్ వేయాలని ప్లాన్ రెడీ చేయించాం. కాకపోతే ఇంకా బడ్జెట్ ఏమీ ఫిక్సు చేయలేదు. కాని 5 కోట్లు మాత్రం అవ్వదులే'' అంటూ ఒక యునిట్ సభ్యుడు అసలు విషయాన్ని బయటపెట్టాడు.

ఇకపోతే ఈ సినిమాను దాదాపు మొదలెట్టేయడం ఖాయం అయిపోవడంతో.. మరి నీసన్ డైరక్షన్లో పవన్ చేస్తానని చెప్పిన సినిమాను పక్కనెట్టేసినట్లేనా అనే అనుమానాలు వచ్చేస్తున్నాయి.

Like Us on Facebook : https://www.facebook.com/Tupakidotcom/