రెజీనా కష్టానికి ప్రతిఫలం ఎప్పుడో

టాలీవుడ్ బ్యూటీ రెజీనా కసాండ్రా.. ఇప్పుడు తమిళంలో సత్తా చాటేందుకు గట్టిగానే ప్రయత్నాలు చేస్తోంది. కోలీవుడ్ లో నాలుగైదు సినిమాలు చేతిలో పడగానే.. తెలుగు ఆడియన్స్ మీద గట్టి కామెంట్స్ నే చేసింది. ఇక్కడి జనాలకు రోజుకో హీరోయిన్ కనిపిస్తుండడంతో.. ముందర వచ్చినవాళ్లను మరిచిపోతారని.. ట్యాలెంట్ ను గుర్తించడం లేదని.. ఇలా చాలానే చెప్పింది.

ఆ సంగతి పక్కన పెడితే.. ప్రస్తుతం ఈ భామకు తెలుగులో ఉన్న సినిమా ఒకే ఒక్కటి. అదే కృష్ణవంశీ తీస్తున్న నక్షత్రం. ఈ సినిమాలో అవకాశం దక్కించుకోవడం దగ్గర నుంచి చాలా హంగామానే నడిచింది. ఆ తర్వాత ఫస్ట్ లుక్ లు.. షూటింగ్ స్పాట్ పిక్ లు.. లాంటి వాటితో రెజీనా ఏ స్థాయిలో రెచ్చిపోయిందో చూపించాడు దర్శకుడు. ఇప్పటి వరకూ రెజీనా ఏ సినిమాలోనూ చూపించనంత గ్లామర్ ను.. కృష్ణవంశీ కోసం ధారబోసిందనే సంగతి తెలుస్తూనే ఉంది. ఈ దర్శకుడు కూడా హీరోయిన్లను అందంగా చూపించడంలో మంచి ట్యాలెంటెడ్ కావడంతో.. ఎంత ఒలకబోసినా తప్పేమీ ఉండదనే ఫీలింగ్ హీరోయిన్స్ లో ఉంటుంది.

కానీ ఈ నక్షత్రం ఎప్పుడు తెరపైకి వస్తుందనే విషయానికి మాత్రం ఎప్పటికీ క్లారిటీ రావడం లేదు. షూటింగ్ దాదాపు అయిపోయిందంటారు.. అంతలోనే ఫారిన్ లో షూట్ చేసుకు వచ్చామంటారు. ఆ తర్వాత మళ్లీ కొన్ని నెలలు మాటా మంతీ ఏమీ వినిపించవు. రీసెంట్ గా మొదలైన స్టార్ హీరోల సినిమాలు కూడా ఆగస్ట్.. సెప్టెంబర్ లో వచ్చేస్తామని చెబుతుంటే.. ఈ నక్షత్రానికి మోక్షం రావడం లేదు. రెజీనా అందాల ఆరబోతకు ప్రతిఫలం దక్కడం లేదు. ఆ రోజు ఎప్పుడొస్తుందో!

Like Us on Facebook : https://www.facebook.com/Tupakidotcom/