దర్శకుడిగా మారిన మ్యూజిక్ 'డైరెక్టర్'కి ఈసారైనా హిట్టు దక్కెనా..??

సినీ ఇండస్ట్రీలో ఎప్పుడు ఏం జరుగుతుందో ఎవ్వరు ఊహించలేము. ఎందుకంటే ఒక్కోసారి యాక్టర్స్ ప్రొడ్యూసర్స్ అయిపోవచ్చు. అలాగే మ్యూజిక్ డైరెక్టర్లు కూడా డైరెక్టర్స్ అయిపోవచ్చు. కానీ ఏదేమైనా ఇండస్ట్రీని మాత్రం వదిలే ప్రసక్తి లేదంటారు. కానీ ఒక వృత్తిలో పాపులారిటీ వచ్చాక మధ్యలో వదిలేసి ఇంకో వృత్తి చేపడితే ఆ కష్టాలు వేరే ఉంటాయి. మొదటి నుండి చూసేవారిని గుర్తించడం ఈజీ, కానీ మధ్యలో వచ్చిన వారిని గుర్తించుకోవడం కాస్త కష్టమే అయినా ఆదరణ లభించడం మాత్రం కరువే అని చెప్పుకోవాలి. అలాంటి పరిస్థితినే ఎదుర్కొంటున్నాడు ఒకప్పటి పాపులర్ మ్యూజివ్ డైరెక్టర్ ఆర్పీ పట్నాయక్. తెలుగులో ఆయనకు ఎంత ఫేమ్ ఉండేనో ఆయనకే తెలుసు. అంతేగాక ఆ టైంలో స్టార్ హీరోలు, యంగ్ హీరోలందరి సినిమాలకు ఆర్పీ మ్యూజిక్ అందించారు.

మ్యూజిక్ ని పక్కన పెట్టి కేవలం డైరెక్టరుగా మారిన ఆర్పీతో మాత్రం సక్సెస్, హిట్ అనే పదాలు దోబుచులు ఆడుతున్నాయని చెప్పొచ్చు. ఆర్పీ దర్శకుడిగా తీసిన 'అందమైన మనసులో' నుండి మొన్నటి 'మనలో ఒకడు' వరకు ఒక సినిమా కూడా మంచి సక్సెస్ అందించలేకపోయాయి. కానీ ఆర్పీ మాత్రం సినిమాలు తీయడం ఆపలేదు. తాజాగా 'కాఫీ విత్ కిల్లర్' అనే సినిమా తీసాడు. ఎప్పుడు షూటింగ్ స్టార్ట్ చేసి సినిమా కంప్లీట్ చేసారో తెలియదు గాని ఏకంగా ప్రీ-రిలీజ్ పోస్టర్ విడుదల చేశారు. కథ, స్క్రీన్ ప్లే, డైరెక్షన్ బాధ్యతలు ఆర్పీ పట్నాయక్ తీసుకోగా.. గౌతమ్ పట్నాయక్ నిర్మిస్తున్నారు. గౌతమ్ పట్నాయక్ పేరు చూస్తే ఆర్పీ పట్నాయక్ రిలేషన్ అని అనిపిస్తుంది. ఇక మరి దర్శకుడిగా దశాబ్ద కాలంగా హిట్ కోసం ఎదురు చూస్తున్న ఆర్పీకి ఈసారి అయినా హిట్ అందుతుందేమో చూడాలి..!