'ఆర్.ఆర్.ఆర్' ఫ్యాన్ మేడ్ పోస్టర్ దీని కంటే బెటర్ అంటున్నారే..!

యంగ్ టైగర్ ఎన్టీఆర్ బర్త్ డే సందర్భంగా 'ఆర్.ఆర్.ఆర్' చిత్రం నుంచి కొమురం భీమ్ కొత్త పోస్టర్ ని రిలీజ్ చేశారు. భీమ్ లుక్‌ ఇప్పటికే టీజర్ లో చూసేసినా.. ఇంటెన్స్‌ లుక్‌ ని రిలీజ్ చేస్తున్నామని మేకర్స్ ప్రకటించడంతో అభిమానులు అంచనాలు పెంచేసుకున్నారు. కొంచెం లేట్ అయినా చెప్పినట్లుగానే చిత్ర బృందం తారక్ కు శుభాకాంక్షలు తెలుపుతూ కొత్త పోస్టర్ ని వదిలింది. చాలా రోజుల తరువాత ఎన్టీఆర్ అప్డేట్ రావడంతో ఫ్యాన్స్ ఈ పోస్టర్ ని సోషల్ మీడియాలో షేర్ చేస్తూ సంబరాలు చేసుకున్నారు. భీమ్ పాత్ర స్వభావాన్ని తెలియజేసేలా మొదటి నుంచి చూపిస్తున్నట్లే నీరు బ్యాగ్రౌండ్ లో తారక్ ని చూపించారు. దీనికి మంచి రెస్పాన్స్ వచ్చింది. అయితే ఇదే సమయంలో ఈ మోస్ట్ అవైటెడ్ పోస్టర్ చూసి నిరాశకు గురైన అభిమానులు కూడా ఉన్నారు.

కొమురం భీమ్ పోస్టర్ బాగానే ఉన్నా ఇంతకు ముందు వచ్చిన పోస్టర్స్ కంటే ఎక్కువ ఆశించడంతో కొంతమంది ఫ్యాన్స్ దీనిపై పెదవి విరుస్తున్నారు. భీమ్ ఇంట్రో వీడియోలో ఉన్న ఇంటెన్స్.. ఈ పోస్టర్ లో లేదని కామెంట్స్ పెడుతున్నారు. దీని కంటే ఫ్యాన్ మేడ్ పోస్టర్స్ బాగున్నాయని.. ఇలాంటి పోస్టర్‌ డిజైన్ చేయడానికి ఆర్.ఆర్.ఆర్ లాంటి పెద్ద టీమ్‌ అవసరం లేదని విమర్శలు చేస్తున్నారు. బ్యాగ్రౌండ్ లో నీళ్లు పెట్టి.. చేతిలో బల్లెం పెట్టి ఎన్టీఆర్ లో ఇంటెన్సిటీ చూపించాలనుకున్న ట్రిపుల్ ఆర్ టీమ్.. ఎన్టీఆర్ కంటే బ్యాగ్రౌండ్ డామినేట్‌ చేసేలా చేశారని కామెంట్స్ చేస్తున్నారు. తారక్ ఫ్యాన్స్ అంచనాలు మరీ ఎక్కువగా పెట్టుకోవడం వల్ల ఈ పోస్టర్ డిజప్పాయింట్ చేసిందనే వారు కూడా లేకపోలేదు. ఏదేమైనా 'ఆర్.ఆర్.ఆర్' కొత్త ఇంటెన్స్ పోస్టర్ కి ట్రోల్స్ మాత్రం తప్పలేదు. మరి రాబోయే అప్డేట్స్ లో రాజమౌళి అంచనాలు తగ్గకుండా చూసుకుంటారేమో చూడాలి.